*

upload_article_image

新劇受疫情影響停工 鄧麗欣「避炎」取消咀戲

最緊要注意衞生!

鄧麗欣(Stephy)與顧定軒昨日為ViuTV新劇《男排女將》到天水圍取景,久未拍港劇的Stephy笑謂:「好耐未試過拍一套戲拍咁耐,通常喺香港拍電影最多都係1個月就完成,我入行第一年拍過電視劇,之後咁多年都冇喺香港拍過,一開始唔係好習慣,但係拍咗咁耐之後,慢慢同劇組、演員增進感情,大家好似一家人咁,我見佢哋仲多過見我媽咪,感覺好親切。」

鄧麗欣指新劇《男排女將》的拍攝進度也受疫情影響,目前將暫時停拍。

提到新冠肺炎肆虐,拍攝進度也受到影響,她說:「套戲有好多時會喺室內運動場、公共地方取景,所以好多場口都要暫時停拍,亦未知場地幾時重開。拍埋今日之後會停一停,等待消息。」Stephy又透露原定要拍攝一場咀戲,但為了「避炎」而取消,她續道:「原本我同阿Sam(陳宇琛)有場比較親密嘅戲,本身係要Kiss嘅,雖然只係蜻蜓點水咁錫,但係大家喺互相尊重嘅情況下商議過,決定借位拍攝。」

鄧麗欣原本要跟陳宇琛拍Kiss戲,但現在為了「避炎」而取消。

談到日前貼出的「煞景」Po引來熱議,Stephy強調:「呢個誤會真係大得嚴重,我自己都寫咗一篇文章去解釋。因為我寫即時動態,喺文字上冇咁複雜,用咗單句子表達。因為戲入面我嘅球隊力圖,喺嗰個場地奮鬥同成長,我哋對呢個地方好有感情,當日亦都係拍攝第50日,完成後大家都好開心去慶祝,所以我就講咗幾句說話形容當下心情,我都覺得要同大家解釋番,希望大家明白,唔好太多聯想。」

鄧麗欣做足防疫措施,消毒搓手液不離身。

顧定軒(左)、鄧麗欣