有了解中對象陳蕊蕊唔約打邊爐改行山踩單車

疫情下要戒打邊爐！

陳蕊蕊和林泳淘出席電競賽車活動，陳蕊蕊表示預早個多小時到場玩電競賽車第一個回合，最後獲得第一名，本身駕駛車不叻，過往居住新界區有好多高速公路，經常被影到超速，現時住市區駕車變得慢。

對於新型冠狀肺炎肆虐，蕊蕊說有朋友於藥房工作，所以一早購買了20盒口罩跟家庭成員使用，「價錢有70、300多元一盒口罩都有，質地好不同。」問可有拍拖？她坦言了解中，早前疫情未算太嚴重，成班人聚會打邊爐，現在改為相約行山或踩單車。對於財爺陳茂波向18歲以上香港市民派發1萬元，蕊蕊表示會用來儲蓄，但收到先算。

林泳淘則表示現時較少出街，農歷年後去了日本旅行，當地也好難買到口罩，現時家中有3盒口罩存貨與家人使用。問工作可受影響？林泳淘透露有幾個出埠的工作要延期，但覺得可接受，大家也面對這個問題，收入方面還可以。

林泳淘盼與老公白頭到老。

前「東張女神」林泳淘早於2021年宣布與初戀男友林卓立結束14年長跑，可惜受疫情影響未有舉辦儀式擺酒，只跟老公簽字。相隔兩年多，林泳淘昨日（11月10日）透過社交平台宣布已經完婚，在海外補辦婚禮。

林泳淘上載多張照片，見到一對新人穿上傳統中式禮服向長輩敬茶，林泳淘之後換上露肩開胸婚紗，與老公舉在海邊舉行婚禮。林泳淘表示：「終於，以前參加婚禮，每次到多謝父母嘅環節都會忍唔住跟住一齊喊，到自己嘅婚禮，以為嫁咗咁耐，應該乜感覺都無晒啦，點知早上化緊妝，見到老竇情深深眼濕濕咁望住自己，已經一秒淚奔，喊足成朝，但係每次見到媽咪又忍唔住笑佢化完妝成個國民老媽咁（真係好似樣！）簽字到依家隔咗成兩年幾，真係諗過好幾次仲有必要補擺嘛？但係見到父母嘅感動同愛，一切都好值得！」

除了多謝父母外，林泳淘也有感謝老公：「多謝林生，你真係世界上最完美嘅男人，點解咁多年你都可以帶俾我咁多愛同歡樂，希望你長命百歲，陪我到老。多謝所有嚟我哋婚禮嘅朋友，嚟得嘅都係我哋人生入面最重要嘅朋友，無你哋無限量嘅愛同支持，我諗廢hea嘅我哋，真係好多嘢都搞唔掂，第一次結婚好多甩漏招呼唔到，希望朋友們多多包涵。 #feelinglotsoflove #loveyou 收到相同片再洗版」。