親情無價。
商台DJ森美(梁志健)的父母，滯留「鑽石公主號」多個星期，連日來他因擔心父母性命安全，由每隔一小時遠洋問候，到詢問專家意見，至每日為父母祈禱求神保佑，想盡辦法。日前，其雙親終獲安排坐包機回港，慶幸二人沒有確診新冠肺炎，但仍要到駿洋邨隔離十四天。森美對雙親關懷無微不至，原來背後隱藏了一段鮮為人知的催淚情緣。
對住爸爸，森美言計聽從，表現得像個小朋友。東周圖片
據《東周刊》報道，港府派包機接載滯留「鑽石公主號」的港人，森美父母上周六（廿二日）凌晨終於上機返到香港，森美難掩興奮，即晚在社交網報平安：「父母終於回港接受隔離，安心多點，多謝曾幫手協助的所有朋友及專業人士，更感激所有關心的親友朋友好友，抗疫中的每一位，繼續努力！」
森美的雙親雖然沒有染病，但仍需到駿洋邨的隔離營接受十四天隔離，他透露：「嗰晚佢哋返香港搞到好夜，成（清晨）五點幾先瞓，第二朝就有早餐食，佢哋話仲有幾款畀佢哋選擇。其他物資方面，我哋唔可以立亂帶嘢去，唔係話攞乜就攞乜，但我會一路跟進。」
森美直言最擔心的日子終於過去，曾為父母每日祈禱，現在放心父母在隔離營生活，希望十四天盡快過去。東周圖片
父母平安返港，森美終於放下心頭大石，但事實連日來，森美為了雙親安危，每日都寢食難安，整日愁眉深鎖。他除了每日每隔數小時致電父母問候並了解情況之外，又會搵專家了解遊輪冷氣通風系統，甚至每晚為父母祈禱：「最擔心嘅時間已經過去，之前我有為佢哋祈禱嘅，身邊嘅人又會為佢哋祈禱，將佢哋交托畀主，到最後主都帶領住佢哋。」
事實，森美是圈中出名的孝順仔，照顧父母無微不至，更不時被拍到帶父母行街食飯，共享天倫。他對父母如此孝順，原來背後隱藏一段鮮為人知的感人經歷。
本身是虔誠基督教徒的森美，在父母滯留日本期間，每晚祈禱，就連教友亦為他的父母向神祈禱。東周圖片
森美：「有用嘅嘢想用都冇得用」！
全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！
Mayanne同GM分別擔任主持及助理主持。
今集請嚟火火（左起）、森美同埋劉翁擔任嘉賓。
年屆50嘅森美笑言最開心係可以同BTS一齊入伍。
火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！
火火親述「抓龍筋」過程，啲表情包勁爆笑。
之後眾人大談中年危機6大徵兆，其中一項係性能力/性慾下降。
森美激動表示慘遭老婆無視，搞到「有用嘅嘢想用都冇得用」！
之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」
之後講到依家男士魅力不再，森美留意到依家好多男人操肌係為咗吸引異性。
再講到出軌問題，森美話成本太高唔敢嘗試。
已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。
劉翁自爆第一段婚姻出軌經歷。
