淋完雨要小心唔好感冒！
近日，不少市民為「避炎」都選擇到郊外呼吸新鮮空氣，行山亦成為圈中人最愛的活動之一，昨日（8日）就輪到2018年港姐冠軍陳曉華（Hera）與閨密上山打卡，豈料天公不造美，一行人爬了三分一路程便開始落毛毛雨，原想快快下山之際，卻突然傾盤大雨，搞到Hera全身濕晒。
網上圖片
Hera在社交網出Po分享狼狽過程：「行足差唔多個幾鐘落山都係同大雨渡過，見到身邊好多人跌親，行到呢度終於終於終於停雨，但已經差唔多行完，所以全身都係濕，連頭髮都係，我只係想話，婦女節快樂。」
網上圖片
網上圖片
網上圖片
雖然天雨路滑，又由頭濕到落腳，但Hera都不忘邊行邊自拍紀錄一下，其間好似拍洗頭水廣告咁，對鏡頭狂揈濕立立的頭髮，但她們似乎全程都沒有戴口罩。其後見雨勢減弱，還即刻坐在山邊欄杆，叫老友幫手影番張「呃Like」相，穿上Sports Bra的她更特登將件外套拉低變「跌膊Look」，認真香豔，連好友江嘉敏都忍不住留言：「做乜着咁少！冇我喺到唔准呀！」
此外，不少網友也留言大讚Hera索：「健康嘅性感，雨中嘅陽光」、「咁好身材」、「二度發育⁉️！？」等。
