露腰非夏日專利 識Mix and Match最重要

襯得啱啱就唔好好睇！

露腰裝並非夏日專利，天氣涼涼哋都可以Show一Show小蠻腰，最重要是識得Mix and Match，性感得來又不暴露。

星級Stylist Felix Wong：2016年離開紙媒行業，現為藝人丶廣告造型及舞台戲服擔任設計工作。排名不分先後老闆有陳奕迅、古天樂、Dear Jane、MIRROR及關心姸等。

星級Stylist Felix Wong說：「露腰裝係亞洲肥妹嘅黑星！不過外國女仔就唔怕，因為佢哋嘅審美觀唔同，當然都唔係凸晒腩肉、士啤呔出嚟啦。以前可能襯短裙、西褲，露多啲腰，近年反而興襯直筒高腰褲，見到對尖頭高踭鞋頭就最好，個人認為着老爹鞋（Dad shoes）會比較累贅。」

謝安琪：其實呢種百摺裙幾難襯，但佢襯得好好睇，整體Sporty得嚟又唔會太露，好小清新。

謝安琪

鄧紫棋（G.E.M.）：個妝髮同對厚底鞋累事，其實依家都唔興呢款鬆糕鞋，一係襯尖頭高踭鞋，一係襯Thigh High Boots。

鄧紫棋

李幸倪（Gin Lee）：大闊膊襯高腰喇叭褲好靚，用上天鵝絨亦冇咁Cheap，無論Dress up or dress down都適合，惟一係條褲太長。

李幸倪

宋茜：西方同亞洲人着都唔會出事，無論係條橙黃色嘅褲同Cutting都令件事好Modern。

宋茜

鄭融：佢唔高，但每次都着到個比例好修長，加上佢有胸，西裝襯Bra top好穩陣，換件同色嘅Bra top就仲好睇！

鄭融

倪晨曦：成個Cutting同Design好似晚裝，用嘅布料唔太啱，同埋公主袖加束臂有少少過時，嘥咗佢咁靚女。

倪晨曦

Miley Cyrus：般見慣嘅鬼妹着法，造型冇錯但又未至於靚，好似為露而露，換件再短啲嘅Top或者Oversize洗水Tee更好。

Miley Cyrus

網上音樂節目《Singaholic》來到第六集，主理人鄧小巧這集找來鄭融任嘉賓。

一開場，小巧便唱出鄭融（Stephanie）的代表作《紅綠燈》歡迎鄭融，小巧表示讀書時期經常唱這首歌，「真係好榮幸可以今日請到呢首歌嘅原唱，因為讀書時期每一次去唱K，一定會有人點，我或者會唱，或者會多過一次嘅，阿融！」

小巧唱出鄭融的代表作《紅綠燈》歡迎鄭融。

小巧指讀書時期每一次去唱K，一定會有人點《紅綠燈》。

觀看相關影片按連結：https://youtu.be/qF-gFDNP2vc?si=f6oaRHTQK8gxOA2o

節目傳統，歌手們都會一邊唱歌、一邊「㗳」番兩杯，不過外表看似野性的鄭融原來是非酒精人士，「睇唔出呢，我唔得㗎。大家想飲酒係因為覺得會放鬆、開心，但我唔會㗎，我會面紅同埋好易頭痛，所以我通常都係mocktail。」但她表示近年食飯都會飲番一、兩杯紅酒，但會放足一晚，「攤長飲，好慢，永遠都會飲剩。」

鄭融外表看似野性，但原來是非酒精人士。

問到醉酒後做過最瘋的事，鄭融尷尬地說：「有一次飲咗少少酒，跟住撞到以前商台蔡冕麗小姐DJ Mini，咁佢紅色頭髮㗎嘛，我就好大聲：『喂！紅頭Min！』哈哈！但係佢未聽過我咁樣稱呼佢，勁唔勁啊！但都已經隔咗好多年，佢都唔介意嘅。其實唔係有啲乜嘢，但係我唔會咁樣稱呼佢。」

鄭融分享醉酒後做過最瘋的事。

就是叫前商台蔡冕麗小姐DJ Mini「紅頭Min」。

就是叫前商台蔡冕麗小姐DJ Mini「紅頭Min」。

講到現今娛樂圈生態，小巧謂現在多了不同身型的藝人，不再是以往千篇一律的纖瘦，鄭融自爆自己的身高已說明一切，「我真係exactly五呎，五呎一都冇。」她又提到早前有朋友問她，如果整容的話想整甚麼，鄭融想也不用想便答道：「『駁高個人囉！哈哈，我又冇乜嘢想整。』係好痛，但係着高踭鞋都好痛，代價好大，好多時候我哋真係開工嗰下先着，一返到後台其實即刻轉拖鞋，嗰個痛係酸同埋麻。」小巧和議，「試過除咗鞋之後，我啲腳趾掂唔到落地，好痛！」鄭融接着說：「我有諗過如果可以嘅話，行落樓梯嘅時候，我真係唔介意我寧願爬！或者可以安排有架輪椅喺後台。」

小巧指現在多了不同身型的藝人。

鄭融自爆自己的身高已說明一切，「我真係exactly五呎，五呎一都冇。」

小巧問如果整容的話想整甚麼？

鄭融直言想增高！