如今立法會拉布攬炒無日無之，大家無晒感覺，最後都要市民自己找數。反對派又醞釀拉布拖死建議派錢1萬元的財政預算案，若然成功真是不知去那裏投訴。
立法會工務小組主席盧偉國。
立法會議員、經民聯主席盧偉國在東週刊撰民，為基層市民計數，話橫洲4000公屋單位工程，因為拉布等問題延誤一年，4000戶候輪公屋市民，以住劏房和公屋租金差別計，每個月俾多7000元，一年要俾多8.4萬，好大筆錢，要由每一戶基層市民自己找數。
盧偉國話，「市民因為橫州公屋項目拖延至少一年，白白用多幾多錢，我計出嚟自己都嚇咗一跳 ! 3億幾呀！」他認為要讓市民醒覺，知道攬炒為害！
盧偉國在東周刊的專欄文章。
盧偉國東周刊相關文章全文如下:
【橫洲公屋遲一年 四千住戶輸三億】
香港有人以「攬炒」為動員令，有人聽見「攬炒」就心驚肉跳！
建造業界係深受「攬炒」影響嘅受害者，失業數字對比其他行業更高。一月份香港平均失業率3.4%，而建造業數字就達到5.7%。喺新冠肺炎疫情影響下，雪上加霜，新公布嘅至二月份嘅全港平均失業率上升到3.7%，建造業失業率就升至6.8%，而就業不足率達6.2%！
當前工程界正面臨「工作鏈、供應鏈、資金鏈」「三鏈斷裂」嘅危機，幾十萬建造業界工人及專業人士嘅生計大受影響，中小企危在旦夕。有啲人慣於將民生掛喺咀邊，又話要為年青人帶來美好嘅未來，但實質上口是心非！各種形式嘅「拉布」、「攬炒」、「泛政治化」唔停止嘅話，整個建造業都受害，民生相關項目被延誤，廣大市民最終都會被拖累！
工務工程被拉布拖累嘅一個例子，係十八億元嘅「元朗橫洲公屋發展第一期工地平整及基本設施」項目，涉及四千個公屋單位。工務小組早於二0一九年三月已經通過該項目，提交財委會，結果因為議會拉布，又由於七月一日立法會大樓被嚴重破壞，財委會無法加會，拖拖拉拉之下，到今年三月十三日，先至獲財委會通過撥款。呢一年嘅拖延，使到四千個公屋單位再遲一年興建。試想下，四千戶輪候公屋嘅市民要多等一年，每戶現時嘅住所，即使係環境惡劣嘅劏房，假設比公屋租金每月要多支出七千元，一年每戶就多俾八萬四千元，咁四千戶共多支出幾多呢？係三億三千六百萬元呀！呢三億幾，係基層市民實際從微薄收入中攞出嚟㗎！「拉布」、「攬炒」、「泛政治化」嘅為害，唔需要我多講啦！
Sebastian
** 博客文章文責自負,不代表本公司立場 **
全港戲院日剛剛過去，唔知大家喺行街睇戲時，有冇約親戚朋友到邊個地鐵站的某個出口或者鋪頭嗰度等呢？又或者平日約同事或者其他人的時候，約定在邊個時間的邊個地鐵站等？
相信無論是在香港返學、生活甚至工作的人，又或者外地遊客、外國商人來到香港之時，可能都有一個共同的回憶，即係約朋友、客人在港鐵站見面，大家約埋一齊之後再去活動。
喺邊個「站見」已經成為了我們日常生活的一部分，有見及此，港鐵就在通車45周年之際，搵到地方舉辦鐵路展。港鐵團隊諗到「下一站見」的主題，所以就將展覽名字定為「站見」。
展覽入口看到的是舊火車，舊車站。
呢個由4月27日開始的展覽，一入到展廳就可以見到一條長長的時光隧道，設計相當有特色。從入口向隧道終點望過去，可以見到一邊有舊的火車相片，另外一側有舊的車站相片。行完呢條隧道，再回望兩邊的墻身，可以看到一條港鐵最新的列車，港鐵站亦會變成今時今日、現代化的模樣。
通過時光隧道，回頭一看，是最新款的列車。
通過時光隧道，回頭一看，是現代化的車站。
睇到呢個入口，就已經可以感受到呢個展覽的主題係幾有回憶，亦有唔少展望。港鐵團隊俾咗唔少心機籌備今次的展覽，譬如「重啟」了耳熟能詳的但已停用多時的港鐵廣播，復刻經典的「瑞士國鐵鐘」和「雷達鐘」，還擺放了「M車」港鐵現代化列車車頭，供觀眾近距離欣賞和打卡留念。
現場有一比一列車結構圖。
展覽分為「鐵路解碼」、「鐵路歲月」、「下一站…回憶」幾大部分，在解碼區域，參觀者可以一探鐵路運作的中樞神經，了解鐵路信號系統。現場更有一比一列車結構圖，配以多款真實的列車部件，揭開第二期輕鐵及現代化列車 (M 車)的奧秘。
「廣播迴廊」
而穿越「鐵路歲月」的過程中，就有好多精心設置的沉浸式體驗同打卡位。參觀者可以細聽已經停用，但耳熟能詳的港鐵廣播，以及港鐵在全球各地營運鐵路的車站廣播，親歷港鐵不斷延伸的美妙旅程。大家還能透過互動觸感設計，轉一轉列車扶手桿上的小盒子，就可了解車長站員百寶袋內裏的乾坤，認識職員隨時應付日常的「百寶袋」 。
昔日的頭等車廂。
另外，Sebastian在展覽上還發現，以前舊港鐵頭等車廂是用仿真皮做的，可以看出頭等車廂乘客待遇之不同。而在舊車站可以看到過去生活的印記，九廣鐵路車廂座位之間靠窗位置有一個金屬盒仔，原來這是當年港鐵上專設的，便利煙民食煙的煙灰缸。
在列上拆下的煙灰缸。
「站見」鐵路展展期由2024年4月27日(星期六)起至今年年底，市民可以透過網上登記預約參觀體驗。
展覽地點：紅磡站
預約網址：
https://stationrailvoyage.mtr.com.hk (可預約三十天內的場次)
