炎夏快來,又係多雨嘅季節,好在渠務署引入咗一部新式嘅遙控清淤機械人,以科技清理雨水渠,減少水浸。
  Kelly聽渠務署分析,由二○一七至一九年嘅二百多宗水浸個案中,超過六成係因為渠口畀垃圾、枯葉或其他雜物阻塞所致,所以「及時清渠」好緊要。
  Kelly一向都支持用新科技去改善市民嘅生活,跟得上潮流之餘又可以減省高風險工作嘅危險性。渠務署就引入新式遙控清淤機械人,除可更深入地進入淹浸嘅箱形雨水渠,亦可避免工作人員進入密閉和淹浸的箱形雨水渠,造成危險。機械人仲可透過接駁喉管直接將淤泥送回地面,令工作效率大增。
Kelly Chu