加強戲劇效果！
馬國明（馬明）自從與黃心穎分手後，跟「契妹」唐詩詠的緋聞就沒完沒了，但其實他的感情至今仍未有着落。幸好榮升「視帝」的他，可以寄情事業，近日就忙於拍攝新劇《BB大晒》。
據《東周刊》報道，日前，馬明連同吳岱融及商天娥在電視城開工。兩位老戲骨經驗豐富，為加強戲劇效果，不惜臨場度橋加戲。幸好，馬明遇強愈強，快速執生迎戰，「視帝」險被玩謝！
日前，馬國明（馬明）跟吳岱融及商天娥（娥姐）在無綫電視城，為《BB來了》的續集、新劇《BB大晒》拍攝外景。劇中，馬明與商天娥飾演母子，而吳岱融則是他的繼父，但兩父子關係勢成水火。當日，劇情講述吳岱融捧着一個生果籃到醫院探望新抱岑麗香和孫仔，可是馬明一見他便無名火起，嬲到爆粗︰「X街！你仲有面嚟，差啲畀你搞到冚包散呀！」隨即一拳毆落吳岱融的身上。
兩人試戲後，吳岱融似乎不太滿意，於是跟馬明說：「不如你打到我瞓落地，咁好睇啲喎！有戲劇效果！」即使馬明表示擔心整傷對方，但也尊重前輩的建議，同時醒目地從劇組的道具袋內，取出一些護墊給對方戴上，十分體貼。跟着，他們便埋位拍攝，先是口角，繼而動武，馬明更出力揮拳打到吳岱融瞓在地上四腳朝天；跟着，仍鍥而不捨地追住他狂打。事後，他倆聯同導演一齊睇playback，導演大表讚賞，吳岱融也認同「好睇」，馬明識做地說︰「好彩，岱融哥諗到呢條橋！」
