姜紫藍行善抗抑鬱 派橙預祝36歲牛一

增加維他命C，增強抗疫力。

下月3日是姜紫藍（Color）36歲牛一，笑言邁向四張嘢，好想做些有意義的事。談到今年生日願望，她說：「因為好多物質上嘅嘢我都有喇，最近香港個氛圍真係好差，希望市民、各方面都Cheer Up，但自己太勢均力弱又做唔到啲乜，咁啱有個朋友喺果欄度做，所以日前參與《愛心甜橙送贈行動》，希望市民增加維他命C，增強抗疫力、開心啲！快啲遠離疫症。」

愛犬係最大心靈寄托。

 由於Color有抑鬱症，每日食緊藥控制住病情，最慘不見有好轉，當日都是死撐住，她說：「所以每日諗辦法令自己做啲開心得嚟係有意義嘅嘢，有抑鬱症後反而好想正面啲。」因為有病，今年全家人都特別遷就她，就算父母離異了，但兩個爸爸竟然唔怕尷尬同場派橙，可見家人好錫自己。

婆婆拎到愛心橙好開心。

父母都好愛錫及遷就她。

提到派橙過程笑料百出，有市民以為她是區議員，話：「你放心，我會撐你！」又有公公、婆婆行埋嚟講話：「唔該要兩個(其實每人只係派兩個)！」有啲又話：「你唔使遞畀我，我識得揀甜橙！」

派橙行動中，後父及親父齊齊支持。

朋友果欄開店，贊助她做善事。