片段中乘客不斷叫司機停車。
網上流傳一段短片，見到一名小巴司機駕駛途中疑「無記性」，一度問乘客「呢度邊度嚟」，懷疑行錯路，乘客不斷高呼停車，但司機未有理會，車輛行駛期間左搖右擺，更一度撞向石壆，不少乘客嚇至高聲尖叫，其後車門更在行駛期間打開，十分驚險。
影片截圖
小巴司機疑突「老人痴呆」天橋撞壆，乘客搶車救命。影片截圖
片段一開始已經有乘客不斷叫司機停車，但司機未有理會，更問乘客「呢度邊度嚟」，有乘客指小巴由元朗出發往屯門，期間有乘客指「你唔舒服就要停車呀嘛」，司機未有理會繼續行車，更懷疑行錯路，乘客不斷指正及叫司機停車。
影片截圖
小巴在天橋行駛期間，司機一度駛向壆位，險象環生，他其後在行車線左搖右擺，一度撞向石壆，嚇得全車乘客大叫，司機位後一名女乘客更崩潰大哭，求司機停車。隨後一名男乘客上前捉著司機的手，叫他停車，期間車門打開，情況十分危險。
影片截圖
有網民指涉事司機非首次出現這個情況，「呢個司機好耐啦，朗豪坊小巴站開去屯門，夜晚搭過兩次，係咁鐘眼訓，又開得慢，第一次搭小巴由旺角開去屯門坐左3個鐘，果次之後無再去搭果條線。」不少網民都認為司機十分危險，「不舒服就應該請假，不要逞強，這次把所有香港人都嚇壞」、「講真成車人好彩咋，如果喺條橋到炒車都係會死㗎」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
