車長勸喻下大媽落車收場。
疫情下人人自危，不過近日屢有無公德心市民出街不戴口罩又不聽勸，日前有一名大媽搭巴士不戴口罩在車上飲食，乘客出聲相勸，大媽未聽勸之餘更激動爆粗，最後出動車長處理。
疑似將垃圾亂掉。「真香港人Online黃色經濟圈」FB
有網民在Facebook分享影片，表示自己乘搭從紅磡往天水圍的九巴269B，在上層遇到一名大媽在車上飲食，甚至將垃圾隨處掉。乘客都勸她戴回口罩，豈料她突然激動「問候」全車人，「唔X畀食嘢㗎？」、「我唔X知喎！」她最後悻悻然戴返口罩，但仍不斷罵人，更似乎把口罩打橫戴。上載影片的網民表示：「忘記咗講，我拍佢片，係因為佢想出手打佢隔離嗰位提醒佢戴口罩嘅姨姨！」
大媽爆粗亂噴口水。影片截圖。
最後驚動車長前來處理，有乘客指大媽不斷咳嗽及噴口水，噴到「隔兩個位都見到佢啲口水」。最終在車長等人的勸喻下，大媽只好「死死氣」落車收場。
片段引起網民熱議，不少網民都鬧大媽無品，「佢外星嚟架，唔知巴士唔畀飲食」、「叫她到下層看貼在巴士規矩」。不過大媽的一字眉非常吸睛，有大批網民轉而關注她的眼眉，「條眉搞咩呀，嚇死」、「條眉一眉道人」、「你睇佢條眉就知佢有問題啦。」
有港男召Uber Taxi ，上車後司機強收「回程隧道費」，他拒絕後即遭「踢單」，結果⋯
示意圖。設計圖片
Uber的士司機強收「回程隧道費」
該港男於Facebook發文，表示「本人幾乎每日使用 Uber 上下班，第一次遇到如此過份之司機」。他指日前早上以Uber App預約的士，打算由長沙灣前往北角寶馬山，當他上車及扣好安全帶後，司機竟要求他以現金支付「回程隧道費」。樓事主立即拒絕並質疑「Uber 唔係咁樣架喎。你第一日揸Uber呀？」。司機則反駁「咁我九龍車，過咗海唔通要吉車返九龍？」
(FB圖片）
港男拒付即慘遭「踢單」
司機疑不滿樓主拒絕支付現金，於是拿出手機取消行程「踢單」，更慌稱「我唔小心撳錯掣取消行程，你落車。」事主因趕時間，所以沒有與司機理論，他以手機影了的士司機證後，便登上 Uber 安排的另一架的士離開。之後事主再向Uber投訴該司機濫收車資，更將其資料放上社交平台公審。
(FB圖片）
原來該的士司機是慣犯！
帖文曝光後，不少網民批評司機的做法「Uber 的士係唔可以私下收費，唔想過海就唔好接」、「又要用人平台，又要唔跟人地規矩」、「的士佬質素之差並非浪得虛名」；有人表示試過遇到同一司機而中伏「我之前都試過1次，又係call Uber！又係呢個司機！call車由青衣去中環！佢咁呢條友就接咗我order，嚟度我一上車問我去邊，我話中環，佢就一句我唔過海，你張單我取消咗，叫我即刻落車！」
(FB圖片）
網民反寸用Uber叫的士，港男咁樣回應
不過亦有網民反寸事主用Uber叫的士「叫Uber taxi係貪平？貪方便？花得錢就坐好少少」、「正正經經call Uber咪無事，硬係要call Uber Taxi」、「日日call uber 要求Taxi服務，天才」。事主則不忿回應表示「我用得 Uber 係求快嘅，邊種快有車就揀邊種架啦⋯罵我用 Uber 但用 Uber Taxi 嘅人，係咪未試過 Uber X 有時要等10-15分鐘先有車？話我應該等都唔應該搭 Uber Taxi 嘅人，我等得搭地鐵啦⋯」
帖文來源：Facebook
