鄧穎芝半裸晒背脊新紋身 網友讚又靚又型

有型！

鄧穎芝（Vangie）的右背一直有個十字架紋身，早年她已經覺得個圖案有啲過時，仲好後悔當初衝動地睇完書就去紋。時隔多年，Vangie今日就喺社交網晒出裸背照，並公開她背部的新紋身，該圖案是以簡單的線條勾畫出一個女性的側面，相當型格；而相中，亦明顯看到Vangie特意利用新紋身遮蓋舊有的十字架圖案。一眾圈中好友睇見紛紛派Like，不少網民更留言大讚又靚又型，連宅男女神簡淑兒都忍不住嗌：「Yoooo!!I love it!!!!」咁鍾意，未知她會否都考慮紋番個呢？

鄧穎芝終於改紋身了！

鄧穎芝今日於社交網晒半裸圖，公開背脊的新紋身。

鄧穎芝晒出紋身過程。

鄧穎芝早年在右背紋了一個十字架圖案，令她大感後悔！