社會事
車主已向停車場職員投訴。
疫情當前，不少市民加強注意衞生，並做好防疫措施。惟黃大仙慈雲山一名自私男子途經停車場時，竟將自己用過的紙巾，塞到附近一輛私家車的擋風玻璃上，整個行為被車Cam拍下，在網上熱傳，引起網民討論。
「慈雲山資訊交流」FB影片截圖。
有網民將車Cam影片上傳Facebook「慈雲山資訊交流」群組，指事發在3日晚上約9時半，「比我的車cam影到，將污糟嘅紙巾放喺我擋風玻璃上，今時今日疫情之下感覺得相當憤怒！」由影片可見，一名身穿藍色外套、手提膠袋的中年男子，行經私家車時，將一張用過的紙巾塞進擋風玻璃上，施施然離開。
事件引起網民討論，不少人留言批評中年男子的行為，斥責無公德心、自私，有人更建議樓主貼街招報復。不過樓主回覆稱，自己向停車場職員投訴，並稱會將車Cam影片交予警方作刑事追究 ，對方得知後已經打電話道歉。
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
