*

upload_article_image

鄧洢玲孖林子超落區派物資 向前線清潔工友送暖

善心愛心!

新冠肺炎持續擴散,連月來各界都紛紛捐物資助弱勢社群抗疫,今日就輪到鄧洢玲(阿旦)和林子超(AndyLin)落區派「清潔包」,當中有番梘、口罩、酒精搓手液等。

事前,阿旦親自落手分拆及重新包裝抗疫物資。

阿旦和林子超親力親為向清潔工友派發「清潔包」。

眾人又親手將「清潔包」送給前線清潔工友。

阿旦於社交網留言:「而家疫情嚴重,出街當然要戴口罩;勤洗手其實都非常重要㗎,特別係前線清潔工友,每日面對街道上嘅垃圾,究竟佢哋又夠唔夠口罩用?有冇人教佢哋正確嘅衛生常識?所以我哋特登準備咗呢個清潔包,入邊有番梘、搓手液同口罩等~好多工友收到都非常開心,最緊要係一句簡單嘅問候,已經帶畀佢哋無限溫暖。」原來她和AndyLin不單止落區派物資,仲親自落手分拆及重新包裝口罩、番梘等,一眾清潔工友收到二人的心意,都表現得好開心!

阿旦(左)和林子超(右)一起捧住大紙箱落區派物資。

「清潔包」內有番梘、口罩、酒精搓手液等。

這批番梘是由酒店收集的番梘循環再造而成,阿旦都話估唔到一嚿唔起眼嘅番梘都幫到好多有需要嘅人。

清潔工友收到大家的心意都好開心。