*

upload_article_image

唐詩詠貼中三時舊相 王浩信留言搞笑

網友大讚她:「由細靚到大!」

唐詩詠跟大隊近日宅在家冇乜嘢做,執居成為打發時間最佳方法。呢日她就翻出舊相,貼出中三時同朋友去沙灘玩留影,並留言:「翻開舊照片發現中三的我 然後 影咗15分鐘都係好朦 最後發現原來張相用咗磨砂過膠 究竟邊個發明磨砂過膠咁聰明 佢就好比今日嘅美圖秀秀 係咪因為咁 個人立刻白雪雪咗呢」相中見到她着住牛仔衫褲加上一頭清爽短髮,雖然打扮相當男仔頭,但清純靚樣已經現雛形。網友亦大讚她:「由細靚到大!」

磨砂過膠,搞到張相睇得唔多清楚。

唐詩詠中三時,已相當清麗。

不過最驚喜是好拍檔王浩信亦有留言:「Saving哥當年喺ICQ約咗佢但係最後冇出現嘅嗰個人......不懂撒嬌的女人之 番外篇」之後唐詩詠再回應:「佢掛住上網打機,有出到去」即時搞到網友好興奮,紛紛叫他們快啲開拍續集,其實繼《不懂撒嬌的女人》後,兩人早前已再合作過《解決師》,一樣好受歡迎,相信再合作應該一樣有捧場客。

王浩信以「《不懂撒嬌的女人》番外篇」來回應,而唐詩詠不久亦有回覆。

17年唐詩詠和王浩信合作《不懂撒嬌的女人》相當受歡迎。

唐詩詠貼中三相後,王浩信好快就留言回應。