網民指見過長者用手背掃下麵包熱唔熱。
新冠肺炎持續肆虐，大眾對衞生意識不斷提升，購買食物都會首選有包裝。不過，近日有網民在西環某港式麵包舖，發現有幼兒亂摸麵包，其爺爺卻未有理會，而店員僅責備數句，然後繼續賣被摸過的麵包，掀起衞生問題。
網民指，大人請好好照顧小朋友，唔好讓小朋友手多多周圍摸。資料圖片
Facebook群組「西環變幻時」昨日（7日），有網民發帖文指，在疫情期間，家長應照顧好自己小朋友，勿讓他們亂摸周圍摸，特別是食物，避免惹播毒危機。網民指事發地點在西環某傳統港式麵包店，店內的麵包沒有獨立包裝，分別一大堆放在揭蓋式的麵包箱內。當日目睹有名剛學識行路的幼兒入到麵包店內，同行的爺爺未有理會孫兒，「呀爺睇唔住個孫，手多多孫一手撳個麥包一個手掌印」。
被小朋友觸摸的麵包照賣。FB圖
及後有位中年老店員發現小朋友的行為，上前責備了兩句，但卻未有處理被小朋友觸摸的麵包，僅將「店員一手冚埋個蓋就走，無處理個麥包」。網民提醒眾人，現時周圍都是菌，特別是恐怖的新冠肺炎，大人請好好照顧小朋友，唔好讓小朋友手多多周圍摸。
事件引起不少網民留言和分享相關經歷，「啲人唔戴口罩成日打開個蓋，亂夾一輪又放低」、「上次我見到有伯伯唔小心夾跌咗個包落地下，店員立即用手上個夾夾返起，再擺返落個面包盤」、「有公公婆婆用手背輕輕掃下麵包熱唔熱」。另不少網民都指，現時已經沒有買一些沒有包裝的麵包；甚至寧願捱貴價到超市買。
灣仔有餐廳免費開放店面給DSE學生作自修室溫書，更送贈飲品及甜品。網民感動表示：好有愛！
(FB截圖）
灣仔餐廳下午茶時段免費開放，予DSE考生作自修室溫
該灣仔餐廳於其Facebook專頁發文，表示要為考試而努力準備的學生們打氣，宣布在下午茶時段免費開放餐廳，供考生們作自修室之用。餐廳指下午時段餐廳較為安靜，而且場地寬敞，非常適合考生溫書。
「如果搵唔到地方溫書，上嚟我哋餐廳，橫掂呢個時段我哋係冇用嘅，唔好嘥咗佢，介紹返，我哋地方好大，只係想陪你一齊考試！」
（FB圖片）
餐廳提供免費飲品及甜品
此外，只要出示學生證，學生即可享一杯免費飲品及一份甜品「只要你出示學生證上嚟溫書，(唔一定只喺應屆考生），不論咩年紀，總之你係學生，真心支持你你同你，所有嘢都免費⋯ 」餐廳更窩心表示「唔使擔心呢個係廣告⋯盡用啦，唔使擔心，上嚟溫書，上嚟做project，想陪你一齊渡過呢一關」。
（FB圖片）
網民大讚：「好有愛！」
網民得知這個消息後，紛紛大讚餐廳暖心之舉「好有愛，謝謝」、「不得了 ，我見到好大嘅愛」、「一間咁有愛嘅餐廳，值得大大力幫襯支持，老闆好有愛」、「借地方已經好好，仲免費又飲又食」、「多謝你哋嘅善良同慷慨」、「好窩心，DSE 同學加油」、「多謝你哋~好有心！假期我會嚟幫襯！」、「多謝你們對學生的支持！有心已經好好，仲要咁貼心準備飲品同甜品！好窩心呀！Love」。
（FB圖片）
ULURU HK優惠詳情
地址：香港灣仔春園街1-11號春暉大廈1樓
開放日期: 由即日起 (逢星期一至星期五)
開放時間: 2:30 -5:30 pm
免費食品︰凡出示學生證，即可得一杯免費飲品及一份甜品(蘋果金寶/ 朱古力脆脆慕絲 / 意大利芝士杯 / 士多啤梨奶凍；4款任選一款）
帖文來源：Facebook專頁「ULURU HK」
