做Gym做到爆汗都唔溶妝？鄭秀文公開畫眼線心得

粉絲都叫Sammi可以做「美妝KOL」～

走在潮流尖啄的鄭秀文（Sammi）好貪靚，有時就算只是在家做運動都要化全妝，見她每次Gym後香汗淋漓，成面滴晒汗，但個妝都沒有花，很多絲打都很好奇這位天后Keep住妝容的方法，昨日（8日）Sammi就拍片公開畫出持久眼線的心得。

Sammi有時喺屋企做運動都會化全妝，即使爆汗個妝都神奇地唔花！

Sammi還留言：「女士們，關於眼缐。做運動爆汗時用甚麼眼缐最耐用？用甚麼畫眼缐最好，其實每個人都不一様...... #眼缐膏 #建議可以試用一枝已經沒有墨的眼缐筆去畫眼缐」。

網上圖片

Sammi自爆秘訣在於使用一支舊眼線筆去畫！

片中，Sammi自爆都係用一般的眼線膏，而秘訣在於使用一支舊眼線筆，「我覺得一般畫眼線嘅Brush有毛，軟吓軟吓又鬆吓鬆吓，我自己覺得好難控制，所以我畫眼線嘅時候，除咗一盒眼線膏，我仲會用一支已經冇用嘅眼線筆，即係墨汁已經乾晒，咁你就抹一抹個頭，然後用呢支筆代替支Brush，咁我就覺得比較容易控制，至於會唔會因為用咗呢支筆，令到我嘅眼線咁持久，爆晒汗都唔滴落嚟，咁呢個都係一個謎嚟，我都唔知真實係咪有咁嘅作用，哈哈！」

雖然Sammi都笑言不知道有沒有持久作用，但一眾網民都留言話會試下，還建議她考慮做「美妝KOL」，多教大家化妝！

大家都讚Sammi的妝容好睇！

Sammi仲晒愛貓合照。

鄭秀文表示：「親愛的歌迷們，不用疑問了。Mi冇秘密生B，生肌肉就有，你睇我手瓜仔起輾。」

51歲的鄭秀文（Sammi）去年因確診新冠病毒而需停工調理身體，原定舉行的《You & Mi鄭秀文世界巡迴演唱會-香港站2023》亦被迫延後至今年7月舉行，Sammi當時對未能如期演出感自責。近月Sammi回歸社交平台，不時分享運動及排練演唱會的照片及影片，日前她更以影后身份出席金像獎擔任頒獎嘉賓，狀態及身形絲毫未見走樣，依然Fit爆，獲網民大讚。不過，她近日竟自爆是「高齡產婦」，震驚一眾粉絲！

鄭秀文最近狀態好好！

依然落力運動keep fit。

並密密為演唱會排練。

日前以影后身份出席金像獎擔任頒獎嘉賓。

負責頒最佳女主角。

事後又開心和金馬影帝吳慷仁合照。

Sammi一向熱衷於跟粉絲在網上交流，日前分享一段為演唱會排練的影片，並自嘲：「Mi就算年輕時，記舞步一向不算快，（其實係慢。因為蠢和笨），真係要用九牛二虎之力去記住d舞步，現在年紀大了，更加慢喔！ 稍有分心就完全記唔到。瞓唔夠就更死。唯有早d開始進行練習。」粉絲隨即暖心留言：「記唔到，跳少d⋯⋯見到你就夠！！」鄭秀文竟然回覆：「真體貼我這位高齡產婦人士！」震驚一眾粉絲，但大家都知道Sammi只是將演唱會當成「BB」，紛紛笑指Sammi幽默。

鄭秀文自稱「高齡產婦人士」，震驚一眾粉絲。

粉絲留言

之後，Sammi都知道自己嚇親大家，便貼出大笑的自拍照，並留言解釋：「大意的，mi， 在其中一個po，手快快兼老花，本來想將自己形容為『高齡婦人』，但誤打成『高齡產婦』。親愛的歌迷們，不用疑問了。Mi冇秘密生B，生肌肉就有，你睇我手瓜仔起輾。#純粹打錯字#係時候換一副新的老花眼鏡。」

Sammi貼出大笑的自拍照，並留言解釋自己是打錯字。

事實上，Sammi與許志安結婚多年，一直以事業為重，難免被催生B，Sammi並非堅拒生小朋友，但她早前接受訪問時坦言害怕照顧小孩，害怕照顧一個生命，害怕把他照顧不好，加上因為許志安堅拒生兒育女，在老公的影響下，她都漸漸改變想法。