有傳黎振燁準備離婚。
已婚港男黎振燁被踢爆與前落選港姐朱智賢(Ashley)疑似偷情,兩人於前日(27/4)被影到到於屯門荒山野嶺偷食蛋糕,兩人強調僅為同事。不過有傳媒再度踢爆兩人其實27號當天,並非第一次密會。
其實早於4月22日,黎振燁私下接送陪同朱智賢到荃灣醫院睇醫生,之後黎振燁更一直陪伴對方。離開醫院後,兩人於入夜後更回到屯門半山處,於車廂內疑似談心近一個鐘。之後男方送朱智賢回家,其後再返回住處找懷胎近八個月的太太。
黎振燁對朱智賢陪睇醫生,而且更大花時間在郊野與對方聊天傾心事,可能貴人事忙,以致無時間陪黎太。黎振燁與朱智賢於27號食蛋糕當日,黎太卻被影到獨自一個到醫院檢查覆診,當日她更逼港鐵出入。
原本最初得知黎太有喜時,黎振燁都會親自駕車接送她到醫院檢查,但最近因事忙,要老婆自己逼港鐵巴士到醫院去。黎振燁最近已搬離黃大仙,回到長沙灣海麗邨與父母暫住,撇低即將分娩的老婆,更有傳他預備要與黎太離婚。