自爆拍《新紥師兄》掛住張曼玉 關禮傑抽離角色靠做運動

做戲還做戲，要識抽離角色~

現年58歲的「美魔男」關禮傑，日前接受車淑梅的訪問，大談逾30年的演藝生涯。有一個幸福家庭的他，多年來在娛樂圈這個一個大染缸都保持零緋聞，秘訣竟然係同太太有關?

有份做剛播完的《機場特警》，依然有型。(資料圖片)

關禮傑80年代入行，演藝路由TVB藝員訓練班開始，1982年初登公仔箱就演出《萬水千山總是情》，劇中已經做汪明荃和四哥謝賢的兒子，同劇的還有周星馳、吳鎮宇同歐陽震華都係做「學生」，可謂贏在起跑線上。

資料圖片

但關禮傑話自己唔「長進」，角色掌握未及同班同學周星馳同梁朝偉。漸漸演出機會少了，眼見其他同學開始慢慢走紅，令他既妒忌又自卑。幸後來終有機會執二攤演出《新紮師兄》中「好姐」一角，奠定他tvb小生的地位。

關禮傑話要多謝偉仔教做戲。(資料圖片)

關禮傑話遇上好角色也要多謝當年的梁朝偉，「我要多謝偉仔（梁朝偉），他從未跟我講鼓勵說話，但他用身體語言、實際行動去幫我完成一場喊戲，幫我上到一個位置，我好感激佢。」關禮傑又自爆，《新紥師兄》劇情講述佢愛上張曼玉，兩人有不少對手戲。但當時自己正與現在的太太拍拖，間中也會未能抽離角色，會掛住張曼玉。拍完戲後，他係靠做運動抽身。

當年拍《新紥師兄》時會掛住張曼玉。網上圖片

入行 38 年一直零緋聞，關禮傑可算係娛樂圈的異數，究竟點做到?關禮傑說：「我不會畀機會自己，亦不會畀機會對方，會主動拒絕，同時會叫太太來(監場)。」他笑言女士好敏感，當對方見到太太出現慢慢就會走。

關禮傑同太太結婚30年。(資料圖片)

同太太結婚30年，關禮傑話自己平時會用小動作冧太太。太太話送花唔環保，但佢會突然送一枝俾太太，令到她好開心。結婚多年仍然恩愛，關禮傑最多謝太太多年來對他的信任和支持。

一家四口好幸福。(資料圖片)

提到一對漂亮的女兒，他說女兒從來沒有參選過香港小姐，對入娛樂圈興趣不大，不會繼承他的衣缽。

關楓馨：「拖都冇得拍仲可以同邊個結婚呀？」

關禮傑囡囡關楓馨（Fabienne）前年認戀「紋身男」Tommy（劉興健），但因男方多段戀情時間線存疑，被網友封「世紀壞男」，不過關楓馨未有此而分手，仍繼續與Tommy拍拖。上月底關楓馨突然在IG分享一輯婚照，一度引來大批圈內人送上祝福，網民都以為出道僅兩年多的關楓馨要結婚，擔心她就此就息影。

關禮傑囡囡「婚訊」變「分訊」。

關楓馨於IG無預警貼出婚紗照，獲大批圈內外人送上祝福！ 

惹結婚疑雲。

關楓馨昨日（4月2日）終於在IG回應，還暗認已跟Tommy分手。她留言表示：「我知道大家最近喜事連連，但係唔好再嚇親我daddy mummy啦！佢哋心諗……拖都冇得拍仲可以同邊個結婚呀？恭喜我有一個咁好嘅團隊，同我影咗輯咁靚嘅相就真，靚相陸續有嚟。」

關楓馨昨日（4月2日）在IG澄清結婚傳聞 ，同時暗指自己已回復單身。

關楓馨（Fabienne）前年認愛「紋身男」Tommy（劉興健）。

Tommy曾被爆出軌前女友閨密，亦被指投資開設一間排舞室，但生意帳目混亂，還不斷向人借錢，而被封「世紀賤男」。