沈震軒靚湯獲劇組慶生 蕭正楠搞笑送祝福

生日快樂 !

影片截圖

沈震軒（Sammy）相隔4年再回巢無綫拍新劇《一笑渡凡間》，早前（4日）37歲生日的他於社交網貼出劇組大合照，在工作中度過生日。

影片截圖

沈震軒牛一撞正拍攝新劇《一笑渡凡間》，就有班好拍檔為他同相隔兩日生日的湯洛雯驚喜慶生，又唱生日歌又切蛋糕，非常熱鬧！一身濟公造型的蕭正楠向兩位拍檔送上搞笑祝福之餘，仲作狀搓啲老泥丸送俾壽星做禮物添！

影片截圖

問到生日願望，Sammy和靚湯都表示，希望疫情早日退減。靚湯透露，待限聚令解除後，再相約好友食飯慶祝。

影片截圖

觀看相關影片請按以下畫面：

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。