皮膚好好！
江嘉敏素顏炮製章魚燒，網友網友錯Fo讚她天生麗質。
抗疫期間全民變廚神，25歲TVB小花江嘉敏也不例外！上月中才自爆要忍口減肥的她，昨日趁唔使開工，留在家中跟好友、家人一齊玩煮飯仔，不過今次她並非整三餸一湯或西餐，而是炮製Homemade章魚小丸子作晚餐。事後，江嘉敏將製作過程及成果的相、片放上Instagram（Ig），見她整得有板有眼，更於Ig story寫道：「外脆內軟。」看來可以去開檔喇喎，她卻謙稱：「應該會蝕大本。」
江嘉敏跟朋友和妹妹一起整章魚燒作晚餐。
之後，江嘉敏又留言：「最開心係素顏同朋友仲有同阿妹一齊享受整野食嘅時間。#係丫我又素顏去嚇人 #你要唔要食一粒呀」一眾網民隨即錯Fo落其素顏上，不少人都留言大讚：「其實素顏先係重點，碟嘢唔係好使睇」、「點解素顏同化妝冇區別」、「你係天生麗質定『偽』素顏？」、「相信素顏也是美美der」等，對於有網友說：「吓？素顏都咁靚，點算好？」她即回覆：「下次化妝囉，再靚啲！」
江嘉敏不斷強調自己素顏，有網民問她是否「偽素顏」。
對於網民讚她素顏樣靚，江嘉敏回覆化咗妝再靚啲。
