有狗狗陪就夠。
呢幕偷望車上乘客嘴咀,馬明做得好生鬼,但黃心穎就冇眼睇,喺IG限時動態只貼狗狗相。
去年4月16日發生「安心事件」,當時「內傷」嘅馬國明正值拍緊《降魔的2.0》,雖然內心係好困擾,但依然發揮專業本色,演活麻甩的士司機「小馬」,網民like到爆。劇中馬明唔單止除剩條底褲演出,仲興奮咁睇AV鹹碟,有場戲講他偷睇後座嘴緊嘅乘客,碌大對眼嘅驚訝表情,好鬼馬。不過,被花生友聯想返「安心偷食」,「安心事件」再被炒熱。
劇中馬明睇AV鹹碟個樣好搞笑。
黃心穎就懶理舊愛主演嘅新作及大眾嘅關注,昨晚喺IG限時動態反而大晒狗狗相,相中隱約見到兩隻黑狗伏喺地下休息中,她留言:「終於見面喇!放晒電、我直情唔見咗舊電。」相信她相約了友人齊齊放狗,其中一隻應該係她領養的唐狗Love,但她冇交待另一隻狗嘅狗主係邊個,個狗主身份好神秘咁喎,看來心穎不愁寂寞喇!
心穎領養咗一隻黑色唐狗Love。
IG圖片
許志安好耐無接受深度訪問。
由黎芷珊主持的TVB新節目《芷珊約您》即將開播,其中一集邀請到許志安做嘉賓,於日前播出的預告片中,許志安被問及安心事件時,並沒有迴避,並直指是「一世嘅傷疤」。
安心事件發生後,許志安曾沉澱3年
新節目以世界各地的演唱會為主題,追訪香港歌手到各地開騷的背後故事。其中一集黎芷珊跟隨久未有接受深度訪問的許志安到澳門開騷,見黎芷珊問許志安:「你最灰嗰段時間,你對自己將來嘅事業仲有冇期望呢?」安仔認真回答﹕「唔夠膽講期望!啱啱呢個演唱會,我覺得最大唔同嘅係,即係我覺得初心係好重要,就算而家個台有幾細,我都唔怕,總之一響聲,我就有信心唱得最好。」當黎芷珊又問許志安有甚麼說話要跟十年後的自己講,許志安即說:「其實你好幸福!」被問到2019年的「安心事件」對他影響有多大時,許志安凝重地指:「一世嘅傷疤嚟㗎!」
黎芷珊跟隨許志安開騷
許志安直言「安心事件」係一世傷疤
2019年許志安與黃心穎出車廂激吻「安心事件」,事後許志安開記者會含淚道歉,暫別3年後正式復出,並到美國及新加坡等地開小型音樂會,仍獲大量歌迷支持。
復出後到美國及新加坡等地開小型音樂會
復出後仍獲大量歌迷支持