成功令黎明、郭富城歌唱事業更上一層樓。
樂壇四大天王中，雷頌德(Mark)跟黎明及郭富城都好有淵源。之前他接受J2節目《我們的音樂時代》主持人許文軒(Edmond)訪問時剖白：「當時四大天王已經好紅，開始有阻力，係小美搵我打造郭富城，我要幫佢更上一層樓嘅同時，亦要省靚我自己嘅招牌，因為《純真傳說》同《強》嘅成功，先開始多人用我嘅歌。」
雷頌德接受主播許文軒訪問。
他又說：「另一方面，黎明亦有搵過我，但我推咗，我認我笨，我覺得冇理由食幾家茶禮，咁樣唔Work，因為四位天王喺市埸上已經係鬥緊，直至郭富城冇搵我做，我先應承黎明。當時黎明去到一個樽頸、停頓位，我又要幫佢洗底，成為洗底王，全力做咗《情深說話未曾講》。」
雷頌德成功令黎明、郭富城歌唱事業更上一層樓。
至於為黎明打造快歌原來係Leon主意：「佢話個市場冇乜歌曲可以令人跳舞，所以我即刻寫咗好多首，點知佢唔收貨話唔OK，話呢啲唔係亞洲人嘅快歌，未能令人聞歌起舞。嘩！佢話我啲嘢唔得喎！當時我哋有啲衝突，佢叫我跟佢去韓國，我哋落咗當地嘅Club同Disco去感受咩先係亞洲人嘅跳舞歌，仲留咗喺韓國個幾星期研究，之後做咗《全日愛》同《眼睛想旅行》等歌曲。」
除咗係工作上會有少少衝突，Mark和黎明、陳慧琳好老友。
因為疫情關係，居英的雷頌德和妻兒留在英國大宅抗疫，減少外出。
2024賀歲鉅獻《臨時劫案》口碑極佳，杜琪峯大讚是「本年度最好睇賀歲片」
由爾冬陞監製、麥啟光執導兼編劇、陳偉斌編劇，郭富城、林家棟、任賢齊及張可頤領銜主演的賀歲電影《臨時劫案》，上映一星期多，獲不少影評人及圈內外觀眾激讚，除故事笑中有淚、「講多謝」同「Sorry 」不自然被洗腦外，戲中每個角色更是鮮明突出，是香港底下層縮影，加上全片香港不同地方拍攝，是久違了的香港特色電影，就連殿堂級導演杜琪峯亦拍片大讚《臨時劫案》是本年度最好睇的香港賀歲片！
《臨時劫案》劇照
《臨時劫案》的導演兼編劇麥啟光，在杜琪峯多部電影中擔任過執行導演，作品包括《奪命金》、《毒戰》和《盲探》，作品均有高水準，所以有不少影評、觀眾形容《臨時劫案》甚有銀河映像風格，不少地方是向杜琪峯致敬，好像故事以三個廢中窮途末路，被逼上梁山一齊打劫的荒謬喜劇，拍出了銀河映像的宿命論；還有電影中一段兩袋錢不翼而飛的「錯摸」情節，亦是銀河映像特色。
《臨時劫案》劇照
銀河映像的揸fit人又出名對團隊嚴格的杜琪峯導演，日前為《臨時劫案》捧場，事後特別拍短片，給予幾位徒弟評價，杜琪峯說：「啱啱睇咗麥啟光、阿斌（陳偉斌）、阿澄（萬芫澄），三個人搞嘅片，我覺得算係咁啦⋯⋯要討論就好多地方嘅！但最少一樣嘢係，本年度香港賀歲片，我諗呢部算係最好睇。」
《臨時劫案》劇照
《臨時劫案》劇照
另外《臨時劫案》中飾演「笠水」的家棟與老死「冇用輝」小齊一場對手戲，劇情交代二人同被綑綁雙手雙腳，被困在的士又黑又擠迫的車尾廂中，二人咫尺距離，家棟仲要伸手猛摷小齊的褲袋尋找手機求救，小齊回想：「車廂好細，逼到大家嘅呼吸都感覺到，導演仲想有我哋有曖昧感，要我用口幫家棟撕走黐係口嘅大力膠布，同家棟口水都交換到，佢隻手又亂摷，我忍唔住叫咗吓唔好，拍完一晚感覺全身都散晒。」
《臨時劫案》劇照
由無限動力、銀都機構、掌賞電影企業、天馬電影聯合出品。爾冬陞監製，麥啟光執導，郭富城、林家棟、任賢齊及張可頤領銜主演，林雪、盧海鵬、梁仲恆、鮑起靜、孫佳君、曾比特、符家浚、張松枝、姜卓文、陳毅燊、王頌茵出演，姜大衛、王敏德友情出演以及胡定欣特別出演，正在熱映！
