蘇玉華Stay Home太耐 甜拖潘燦良出街散心

拍拖24年依然SWEET~

近日香港的新冠肺炎疫情錄得多日零確診，但專家都叫香港市民不可以掉以輕心，依然要戴口罩加勤洗手。因為感覺沒那麼危險，條街都多了好多人。《頭條日報》報道，近月發起撐舞台劇同行計劃「PROJECT ROUNDABOUT」的蘇玉華及潘燦良都忍不住出了銅鑼灣行街，兩人甚麼都看，衫又看，波鞋又看，香水又看，連錶都看了，看來真是悶了好久。

在皇室堡拖住睇化妝品。

當日蘇玉華去睇衫。

首先要讚一下蘇玉華同潘燦良，眼見舞台劇界受新冠肺炎疫情嚴重打擊，有表演者被逼轉行，兩人舉行4場的《不日上演》讀劇會，令舞台劇界從業者繼續有工開，亦會一改昔日行規，在籌備時便會向台前幕後員工即時發放酬金。據知讀劇會得到熱烈迴響，有人願意免費提供現場錄影服務，亦有人願意出錢資助等。

蘇玉華及潘燦良拖住手行街街。

兩人貼住睇鞋。

潘燦良對一間有龍蝦食的餐廳好有興趣，不過女友就麻麻。

當日下午4點，戴了帽及口罩、穿便服的蘇玉華同潘燦良拖住手去了銅鑼灣皇室堡行街，兩人先去看香水同化妝品，看了一陣沒入手，然後行去百德新街看鞋，甚麼類型的鞋都適合，然後再去看衫，運動衫、衛衣、風褸同Cap帽，都是得個看字。然後去看了家品，行了半個鐘終於有收穫，之後再去看智能手錶，見蘇玉華試了好多款，男友都不斷有俾意見，但都是沒有買，最後兩人行過一間海鮮餐廳，門口看了陣餐牌，潘燦良有點興趣，蘇玉華無興趣，所以就同餐廳講拜拜。

有好多款智能手錶，蘇玉華心大心細。

蘇玉華試戴智能手錶。

兩人拍拖24年，還會經常一齊工作。

George在《不赦之罪》飾演少年強姦犯，為演好角色，他換上一頭清爽短髮造型，卻被指似卡通人物monchhichi。

香港電影工作者總會推出的首季「總會拍電影」計劃，當中的第二部獲選作品《不赦之罪》，日前正式開鏡 。監製廖婉虹、導演林善、導演暨編劇譚善揚、黃秋生、蘇玉華、歐鎮灝（George@P1X3L）、陳紫萱及陳書昕五位主要演員都有出席開鏡儀式，電影圍繞三位人物，包括由秋生飾演的牧師，蘇玉華飾演的受害者母親，以及由George所演的少年強姦犯，幾位演員都讚賞劇本出色，不過笑言最初對林善及譚善揚首執導演筒非常擔心，幸而身為影帝的秋生，即場認可他們的表現。

《不赦之罪》日前正式開鏡。

（左起）陳紫萱、歐鎮灝、蘇玉華、黃秋生、陳書昕

秋生笑指大家擔心兩位新導演，全因被兩位青澀外表嚇怕，更即場派定心丸：「我又唔覺得佢哋好新，唔係咩都唔識咁，大家都溝通得非常好，又聰明又聽人講又可以消化得到好多意見，即係我唔駛好擔心所有嘢，係比想像中更好同順利。」蘇玉華就指開拍前曾跟兩位導演見面，印象深刻, 很難想像劇本竟然出自眼前兩位年青人：「今次的確係一個好好嘅劇本，呢兩個年青人好尊重我哋兩個老人家，佢哋真係每一場戲都會埋嚟同你傾，問呢場戲我會點樣處理，點樣演，我覺得係一個好真誠嘅合作。另外我覺得好慶幸，我同秋生一齊演啦，因為我哋好有默契，本身都係熟絡同一齊合作過。」

黃秋生、蘇玉華

譚善揚、蘇玉華、林善

兩位新導演亦都感謝秋生和蘇玉華前輩參與，譚善揚更指落筆寫劇本時，已經想住秋生飾演牧師角色，多得監製安排，最後夢想成真由影帝出演：「成件事好奇妙，而秋生佢上年都有完整睇晒成本聖經，佢有好多研究，我哋每日拍攝時候都會有很多討論，研究角色會有點樣嘅諗法。」至於林善對於自己剛從演藝學院畢業，就獲得執導長片機會，非常感恩並說：「我覺得『總會拍電影』計劃，對我嚟講最大嘅意義就係畀我一個本身讀電影學院，想拍電影想做導演嘅人一個實踐嘅機會，即係唔只係睇書或者睇電影裡面去學習咩叫做拍電影。」

譚善揚、林善

三位影壇後輩包括George、陳紫萱及陳書昕亦榮幸能夠跟秋生和蘇玉華同場演出，今次更是George首登大銀幕，面對前輩當然緊張：「我呢半年係有睇好多唔同嘅電影，吸收點樣做，諗住喺實踐嘅時候就發覺，咦，唔係噃，因為秋生哥有嘗試去幫我撇甩自己演出嘅框架，令到我每一晚返去，都諗返演出嘅每一場戲，個人好似對做戲通透咗。」紫萱曾經上過秋生的演技大師班，很開心再跟影帝碰面：「圍讀劇本時候再見到佢，其實並冇想像中咁惡，秋生哥都好調皮。」陳書昕亦珍惜今次與蘇玉華合演母女機會：「蘇老師真係好親切好nice，令到我更加容易入戲，對住佢就好自然有媽媽嘅感覺。」

陳書昕、陳紫萱、歐鎮灝

陳紫萱

為演好戲中釋囚角色，George換上一頭清爽短髮造型，更被指似卡通人物monchhichi，另外George又指將會與陳書昕有一場大膽戲，非常考驗演技，書昕指George為投入角色，即使在片場主動與對方溝通都被拒絕， George連忙澄清：「我個人比較屬於感受型（演員），所以我要好實在去feel角色的想法，就好多時會抦埋一二邊去諗嘢同埋去思考。」

歐鎮灝

《不赦之罪》是總會從40多份劇本中獲選中開拍，總會表示大部份首季「總會拍電影」的參賽劇本都以警匪或黑社會為主題，而《不》就與別不同，電影非簡單一部商業片，故事聚焦疫情之後，學生重新面對社會時，所遇到的個人或者群體問題，戲中探討當中產生的衝突，引發觀眾思考。「總會拍電影」計劃理念，旨在團結業內人士，更重要是為香港影圈提供更多不同類型劇本，從而發掘新題材，令香港電影更多元化。「總會拍電影」第二季收到超過 70個劇本申請，預計結果4月出爐。