談到母親節，欣宜坦言必會憶起媽咪。
盧冠廷、鄭欣宜（Joyce）及羅凱玲今日出席網上直播音樂會，不過盧冠延未有接受訪問。因受疫情影響，鄭欣宜表示很久沒有出席活動，唯有改變模式去拍片放在網上平台跟歌迷分享，幸而收入沒有受太大影響，都有廣告客戶要求她在社交網站上載宣傳產品片段。問她剪片技術可有因而躍進？她卻笑言不叻，剪片技術只是過得去，但自學剪片後對剪片人員會更加佩服。
欣宜上載小時欣和媽咪外婆相片來懷緬兩位早已離開了的摯親。
今日欣宜在社交網上載小時候跟母親沈殿霞（肥姐）及外婆的合照，留言︰「祝所有母親和外婆母親節快樂。我保證將永遠像我3歲時一樣欣賞個蛋糕，也紀念我用媽媽的切菜剪刀剪自己的瀏海。」談到母親節，欣宜坦言一定會憶起媽咪，不過今年學會用另一個角度來欣賞母親節，雖然她未做媽媽，但生意拍檔誕下肥嘟嘟的契仔，契仔學爬行中，patpat翹起好可愛，好似她！
問到可想生小孩？她坦言是一件好事，但未有對象：「你地介紹畀我。（許廷鏗？） 我唔可以同佢交配，因為跟佢玩個apps出嚟個BB效果好核突。」談到找對象是否要玩合拼apps才交往，欣宜笑言無所謂。問到母親節可有問候好友謝婷婷？她表示沒有。
欣宜同許廷鏗好老友，但不可以合力生仔囉！
性格開朗欣宜正努力找另一半。
盧冠廷、鄭欣宜在活動中聚頭。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
