母親節開live獻歌喉 張兆輝獲讚係樂壇新人王

好歌贈媽媽。

張兆輝係圈中好爸爸、好老公及好兒子，藉着昨日母親節，昨晚他喺一間餐廳內開live《獻sing》，送給89歲年老母親嘅母親節禮物，開live接近1小時，facebook吸引2萬多人次瀏覽，香港、星馬、美加、澳洲、越南等fans都大派心心。今次演出，輝哥好認真同用心㗎，仲搵埋Ben老師現場伴奏。

輝哥開live，送《念親恩》畀媽咪聽

輝哥昨晚母親節開live《獻Sing》。

輝哥開live，送《念親恩》畀媽咪聽

輝哥說：「今次主角係阿媽，有呢個構思，係因為兩年前大仔18歲生日，喺現場唱過《念親恩》，當時媽媽聽到手舞足蹈，好開心，既然媽媽乜都有，不如現場送呢首歌佢聽，表揚做母親偉大，係份心意嚟啫。」除咗演繹《念親恩》畀媽咪外，輝哥又揀咗唱許冠傑的《父母恩》、《月亮代表的的心》、《一生中最愛》，甚至大唱閩南歌《愛拼才會贏》等。期間有fans即席點唱《偏偏喜歡你》來考驗他，輝哥成功過關，更被大讚唔單止演戲好，唱歌都有水準，有人留言聽到缺氧、讚他係2020年新人王、可以出唱片、可以唱吓劇集主題曲...輝哥笑說：「咁大家補頒個獎畀我。」因為反應相當熱烈，有人要求他今年父親節再開live唱過，輝哥笑說：「咁要人哋唱返畀我聽喎！」

現場有埋老師伴奏，好認真。

輝哥係圈中好男人，相當照顧家人。

兒子18歲時，媽媽現場聽輝哥唱《念親恩》，聽到手舞足蹈。

另外，唔少fans話輝哥very handsome，同郭富城一樣咁fit，輝哥笑說：「ok嘅，係件衫窄啫！係時候要保持體能喇！因為5月底會接拍電視劇《飛虎3》，到時應該會好熱，所以型要付出代價嘅！」

有網民形容輝哥同城城一樣咁型。

輝哥5月底拍《飛虎3》。

張兆輝、陶大宇及除了大唱劇集經典歌曲外，還邀觀眾一起在台上做戲。

張兆輝、陶大宇及吳啟華的《港劇男神演唱會》反應熱烈，再添食！10月23日現身佛山開騷，雖然當晚氣溫只得5度非常寒冷，但仍難掩觀眾的熱情，全場爆滿，三人除了唱出劇集經典歌曲外，更邀觀眾一起在台上做戲。

陶大宇、張兆輝及吳啟華日前在佛山舉行《港劇男神演唱會》。

全場爆滿！

三大「師奶殺手」能聚在一起開騷實在難得，雖然演唱會舉行前發生小插曲，因入場需要實名關係，故入場時情況一度混亂，但幸而沒影響演唱會進度、他們分別在演唱會上唱了不少經典劇集歌曲，其中張兆輝第一次唱出首部擔演劇集《神勇CID》中的《只因我太痴》及劇集《黃金十年》的歌曲，吳啟華唱《倚天屠龍記》《妙手仁心》至於陶大宇除了唱出首本名曲《倒轉地球》外，更跳唱《唱這歌》。

張兆輝、吳啟華

陶大宇、張兆輝、吳啟華

現場觀眾驚訝他們為何唱歌唱得那麼專業，唱得像一個歌星他們就笑言自己是專業演員，給他們什麼劇本就做甚麼角色，而今次是歌手身份，所以也要做好歌手角色。據知三人為了今次演唱會，提前二個月已經在練歌、至於排舞方面，由於工作繁忙關係，未能有太多時間練，都係打「天才波」，但跳起來依然有板有眼。

陶大宇、張兆輝、吳啟華

除了唱歌外，他們亦有邀請現場觀眾上台玩遊戲，最爆笑係輝哥同吳啟華演在《九品芝麻官》中演的方唐鏡中彈出彈入的場景，引得全場大笑。大宇歌倒轉地球全場high爆，而最後，三人合唱《風的季節》、《紅日》及《朋友》等，期間螢幕亦播出三人年輕時的靚仔相，全場觀眾亦站起來揮動螢光棒，將氣氛推至最高峰。而主辦方說前晚的反應，已有不同城市有興趣港劇男神演唱會、與三人洽談再於內地其他地方開騷。

三人合唱期間螢幕亦播出三人年輕時的靚仔相。

全場氣氛熱烈！

主辦方表示已有不同城市有興趣港劇男神演唱會。