老公送賀卡送花兼整晚餐 許芷熒感動爆喊

好有心思！

許芷熒跟囡囡渡過的首個母親節，獲老公Alexander送上多個驚喜。

許芷熒（Whitney，前名許亦妮）今年2月誕下女兒「馮寶寶」，母女倆在剛過去的周日一起渡過了第一個母親節，其丈夫馮家柱（Alexander Fung）就好識做，準備了一大束繡球花外，還親自下廚整晚餐、製作Poster兼代囡囡寫卡送給她，Whitney留言：「老公用自己左手寫，扮BB寫字～睇到我流曬（晒）眼淚。」

Alexander除了為許芷熒下廚……

仲用左手寫卡扮BB寫字，代囡囡送給許芷熒。

對於第一年做母親，Whitney直言是開心、幸福的，又認為每日時間永遠都不夠用，她寫道：「每天除了照顧寶寶，照顧老公，買餸煮飯，一有時間又想同囡囡玩下，玩完又想幫她影相，影完又想剪下片，跟住又要有下自己私人時間上下網......又要陪下老公，跟住又想陪下個女......每日循環Loop......雖然係好忙，冇乜自己私人時間，但每日佢都會喺我心口度瞓......我都覺得佢越嚟越重，見到囡囡每日逐漸長大，我自己都好開心，覺得好感動！唔想佢大得咁快。寶寶～希望下個母親節，你已經識得講媽媽I love You。」並笑謂今年跟老公、囡囡，以及媽咪、奶奶、嫲嫲分別慶祝一次母親節，認真忙碌！

許芷熒收到張卡即感動到喊。

許芷熒笑言今年分別跟老公、囡囡，以及媽咪、奶奶、嫲嫲慶祝一次母親節，好忙碌！

許芷熒跟老公勤力密密「造人」！

2011年港姐季軍許芷熒（前名許亦妮），於2019年9月她跟圈外男友Alexander Fung結婚，婚後育有一對子女，婚後專注家庭。今日（1月4日）許芷熒於IG報喜，宣布第三度懷孕，四年抱三！

許芷熒產子不足半年，宣佈極速懷第三胎。

四年抱三！

許芷熒晒出一家四口合照，老公以及大女指著其肚皮，相片裡寫道：「Can’t believe I am going to be a mom of 3.（難以相信我將成為三孩之母）細佬BB五個幾月，小小B在我肚裏3個幾月。」，另外許芷熒晒出超聲波照片。

許芷熒分享揭發有喜經過：「某日老公買了早餐返屋企俾我食，我食完仲話肚餓，又叫外賣，跟住佢同我講: “老婆，你係咪有咗？點解你食咁多野既？”然後我就話：”點會呀，啱啱生完，點會咁快又有咗啊？”」後來仔細一想月事確實仍未到，於是許芷熒即刻去買驗孕棒驗一驗，而結果：「真係好驚喜，係兩條線」，「我第一個反應係流眼淚，因為啱啱生完細佬BB，仲甩緊好多頭髮，啱啱紮完肚，修完身，又要再嚟過？完全未有心理準備再生一個。當刻我真係晴天霹靂。WhatsApp 醫生同佢講我又有咗，佢嘅反應係：『好勤力喎』。」

去年7月中，許芷熒才宣布為圈外老公誕下細仔。

她又笑指大女好似有預知能力：「喺2023年7月我生完細佬BB 時，家姐BB去醫院探我時已經同我講：”Next Year I will have a 妹妹!”當時只係覺得她是隨口說說，原來家姐都有預言能力哦。」疑似透露了今胎是陀B女。

許芷熒坦言沒預料再度懷孕。

另外去年12月中，剛陀B的許芷熒感染新冠肺炎，不過她只服食過兩次止痛藥，只因不希望藥物影響胎兒，她說：「幾辛苦都要忍住」，足見母愛的偉大！