兩位身材都好好～
36E「無綫咪神」陳婉衡（Alycia）與在熱播劇集《法證先鋒IV》瞓入真空屍袋的謝芷倫（Jan），一齊做娛樂新聞台節目《行山少女》。兩人身穿運動裝，在炎炎夏日齊齊挑戰極難行的飛鵝山。
36E陳婉衡係「無綫咪神」。
黃祥興、謝芷倫喺《法證先鋒IV》中瞓入真空屍袋入面相當危險。
二人行到烚烚㷫，就除下件外套，分別在山頂一塊大石險要位置，打卡影靚相，雖然Jan僅得運動bra襯貼身長運動褲，卻不敵身穿緊身運動服Alycia，Alycia展露蛇腰與激凸蜜桃臀勁搶鏡，不少網民睇到心心眼，大讚她好fit、好性感。
陳婉衡孖住謝芷倫勇闖飛鵝山。
二人影相位置相當險要，居高臨下，非常危險，所以Alycia先戴「頭盔」留言：「最好嘅視野係要經過最艱難嘅攀登，但其實照片嘅角度比實際冇咁可怕，因為下面有另一塊大石頭。不過，遠足時請多加註意，唔好冒險去影相，要注要安全！」網民就戥她驚，提醒她，在欣賞風景時，亦都要顧及安全，甚至有人留言：「你好大膽啊！靚女要出名，都不需要咁做。」
至於展露小蠻腰的謝芷倫就好Alycia如些淡定，「來到山腰，爬岀去影這張相時，我已經有d腳軟。」好彩贏得網民讚好，大讚她「Pretty girl」、人同景都好靚，唯獨有網民豪不客氣質問她：「著到咁搏乜？」
