要好好「保護」自己
劉佩玥(Moon)於疫下連踩《超能使者》和《七公主》兩部新劇,她連聲大叫好,因上次連開兩劇已是數年前的事了。問到會否沒有時間休息?她稱很感激監製的疼錫,劇組又很好的遷就時間,但即使沒有時間休息,要在車上小睡也樂意;她又笑言一定有沖涼時間,每次回家和起身都必定會沖涼,以防細菌滋生,必須要保護自己和家人。說到疫境下有否擔心得患上焦慮症?她即說不會,因明白把情緒放大,是不會有幫助,反而保持正面的心境才是最重要。
劉佩玥笑馬明得把口,但一捉他的手時即縮。
在《超》劇中Moon飾演陳展鵬的太太,又與郭子豪有感情線,她不肯劇透有否親熱戲,只道每次有吻戲都會被人斬斷。提到日前播出的《降魔的2.0》中,有露肩色誘馬國明的一幕,還要捉對方的手摸自己胸部,她笑笑口爆料指事前馬國明聲大大說快些埋位拍,但一捉對方的手時就即嚇到縮,根本就得把口,是一個「真」正人君子。
劉佩玥不肯劇透新劇有否親熱戲。
Moon正值搏殺期,連踩兩劇不覺辛苦。
劉佩玥。資料圖片
靚湯心痛愛貓!
湯洛雯(靚湯)與馬國明結婚後,雖然二人未生小朋友,不過他們當一對愛貓Tino同Ariel是心肝寶貝一樣,十分疼愛。昨晚(3月19日)靚湯在IG上載其中一隻愛貓打完疫苗後出現異常反應,令她非常擔心,心痛到眼淚狂飆,還提醒大家帶毛孩去打疫苗時,一定要小心觀察打完之後的反應。
湯洛雯與馬國明當兩隻愛貓是心肝寶貝一樣。
愛貓打完疫苗後出異常反應。
靚湯說:「大家帶毛孩去打疫苗時候,一定要小心觀察打完之後嘅反應!今日帶大仔去打疫苗,以前打都冇事最多係攰啲,但係今日返到屋企,見佢一開始少少肚痾,跟住鼻哥好紅,再見到佢眼腫晒,之後呼吸極快,我真係嚇到癲咗即刻帶返佢去診所,打抗敏針同止嘔針,瞓氧氣箱,個心痛到啲眼淚狂飆。」她續指幸好半小時後情況舒緩「依家帶咗返屋企,好攰好攰,係咁瞓覺,都放心返啲醫生話極少數會有咁嘅反應,不過咁啱就係嗰個極少數佢仲話好彩我哋快帶佢去,如果唔係後果都有危險…………大家有冇試過啲咁嘅情況?」
靚湯心痛得狂飆淚!
隨後,靚湯感謝大家的留言,並指愛貓情況已穩定:「多謝大家嘅留言,原來大家都試過有咁嘅情況,真係好恐怖,第時都真係要考慮係咪真係要繼續打,太驚嚇。Update返,見佢睡姿回復正常,應該舒服返好多。」
靚湯叫大家帶毛孩打完疫苗後, 一定要留意牠們情況。
指愛貓情況已穩定。