Skip to Content Facebook Feature Image

太和怪男搭巴士專坐女士旁 鎖定目標扮瞓疑「抽水」

社會事

太和怪男搭巴士專坐女士旁 鎖定目標扮瞓疑「抽水」
社會事

社會事

太和怪男搭巴士專坐女士旁 鎖定目標扮瞓疑「抽水」

2020年05月18日 15:30 最後更新:15:42

女士們多加留意!

資料圖片

資料圖片

大埔女街坊日前在社會網站指控,指每早在太和搭乘巴士上班時,在車廂仍有其他空位的情況下,一名奇怪男子坐在她身旁,更「愈坐愈埋」疑似乘機抽水。後來她發現這名男子經常搭乘同一班巴士,更以同樣手法對其他女乘客「抽水」,特別發文呼籲女士們多加留意。

可疑男在巴士扮睡「抽水」。大埔 Tai Po FB

可疑男在巴士扮睡「抽水」。大埔 Tai Po FB

這位女網民在周五(15日)在Facebook群組「大埔 Tai Po」發帖,表示近期開始由72轉搭272E返工,她留意到每早7時40分,太和總站都有一個男人等排隊的人上車後,自己才上車,「佢睇住每個上車的女乘客」。上車後,這位可疑男士先坐下層,去到文娛中心個站,便會走上上層,坐在他鎖定的獵物旁。

女網民表示這位可疑男士曾在前後座都無人坐的情況下,坐在她身旁,當時她覺得很奇怪,但不以為意開始聽歌,但後來他愈坐愈近,「之後,佢扮瞓,個頭攝咗喺兩張櫈位中間!我望下佢,佢係無瞓的!」她於是跟車長說,而車長建議她報警,不過女網民表示當時自己趕時間上班,又不想阻到車上的人,所以最後「放生」了那位男子。

自此之後,該男子沒有坐在女網民身旁,但似乎已另外鎖定了3名女乘客,「輪住坐喺個3個女仔隔離!都係做埋同一個動作,扮瞓博懵 !我都見有人已經開始留意到佢」,女事主最後又呼籲「各位女士們,小心呢位男士!」

有網民建議女事主當時應挺身而出,「遲到呢啲好小事,唔係嘅話佢會愈大膽」、「真係唔使怕!你當時講出聲一定大把人幫你」、「樓主和各位小姐遇著呢個情況一定要報警,有冇用都好起碼有個阻嚇性,千祈唔好覺得阻住成車人,因為呢啲人真係唔可以放過。」

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章