林家謙出處男迷你專輯 許廷鏗出po力撐

林家謙好有音樂才華！

現年28歲的樂壇創作新人王林家謙曾經幫過許廷鏗《單數》、容祖兒《心之科學》、JW《矛盾一生》、林宥嘉《壞與更壞》以及張敬軒《潛水》等作過曲，好有音樂才華，最近家謙再下一城以獨立歌星身份，推出處男迷你唱片《MAJOR IN MINOR》，並得到JOOX全力支持，收錄多首作品《下一位前度》、《just carry on》、《聽風》等新歌，專輯更用上雙封套。連跟家謙同讀聖若瑟書院的許廷鏗(Alfred)昨日都出Post，手持林家謙雙封套唱片力撐說：「撐師弟、撐有諗法、撐自家嘢、撐雙色cover。」

林家謙好有音樂才華，有不少Fans㗎！

對於處男出碟，林家謙說：「這張專輯將以往的作品集合起來，並以數個精心編排把歌曲串連起來，令歌與歌之間有著連貫性以及情緒起伏，鋪排出一段流暢完整的音樂旅程，帶領聽眾深入我的音樂之境。」

許廷鏗手持林家謙雙封套唱片力撐師弟。

家謙又指和合作單位有相近的音樂理念：「合作的形式沒有任何框架，整個過程十分舒服。雖然籌備過程經歷了不少困難，尤其是出碟只是一個多月前萌生的想法，但衷心感謝各方好友的鼓勵。」

黃妍年前舉行首個音樂會，陳柏宇和林家謙都做過嘉賓。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。