社會事
缺德。
新冠肺炎疫情緩和，有網民在Facebook專頁「生仔要考牌系列」投稿，揭發有港媽在與女兒睇戲時，脫下口罩食爆谷，更將口罩隨意攤放在扶手上。
facebook生仔要考牌系列圖片
戲院禁止飲食避免市民脫下口罩造成傳染，網民透露，睇戲時見到一名媽媽與2名女兒「自備爆谷、食物入戲院俾小朋友食都不特止，仲隨便將啲口罩放響座位扶手上」。
目睹的網民批評，「其實做家長可唔可以負責任啲？點解人哋唔俾你做你偏要做？睇戲唔食嘢係咪會餓死？」。又指估計女童應該只是讀小學，家長「仲唔好好教導佢哋應該點樣處理用過嘅口罩，請問點復課？」。
有網民就提議，「呢啲應該要通知戲院，請家長合作」；有當日同場的網民留言更透露，「兩家人，帶埋工人姐姐，好記得入場後佢地好嘈，開左場啲小朋友都好大聲講嘢，唔怪之得呢間戲院成日唔夠小童坐墊，個個拎幾個墊坐到上頂，同埋講明唔可以飲食，我同小朋友入去前都食定嘢，唔洗講都知避免飲食」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
