期待新節目！
李綺雯 (本網記者攝)
香港開電視全新節目《沙煲罌罉》今日進行錄影，教觀眾如何正確使用各種廚房用具，例如不同種類的鑊、鍋及煲等等。節目請來識飲識食的紀曉華(水哥)與李綺雯擔任主持，在水哥廚房向大家分享多年入廚秘技。
紀曉華、李綺雯 (本網記者攝)
李綺雯表示在節目中經常向水哥「偷師」，「上次水哥教我自家製味精，係用全天然食材，唔同種類蔬菜炒完再風乾變成味精，類似即食麵入面嗰包」，李綺雯笑指拍攝該節目後好處很多，「認識咗水哥之後，就又食又拎，上次攞咗包蕃茄味精，夠我用半年啦 !」
另外，李綺雯不時在YouTube平台直播下廚片，她表示稍後亦會繼續update影片，水哥亦透露：「我哋遲啲會在YouTube合作拍片，互相賺取人氣！」
李綺雯 (本網記者攝)
水哥又大讚拍檔有廚藝天份，「好多女仔見到雞、乳鴿等動物就大叫，但佢就接受到。」李綺雯
回應：「我估我唔怕熱、彈油、又唔怕切菜，但我最怕係洗碗。」
紀曉華 (本網記者攝)