《造星II》Justin率兄弟組團出道

「我哋Keep住會有嘢進行緊，但所有嘢計劃當中。」

第一季《全民造星》結束後，不論組合MIRROR、ERROR及一眾落選仔仔均獲力捧，惟《造星II》三甲至今仍去向未明，更枉說ViuTV會積極安排工作給一班落選者！與其等運到，Team B出身的洪助昇（Aiden）、陳樂（Justin）、梁瑞峰（June）和陳天翱（Eagle）索性靠自己，早前於社交網開設專頁拍片Jam歌，據悉，大獲好評的他們正籌備以組合形式出道！對此，四位新仔早前接受訪問時，露出尷尬笑容表示：「計劃當中。」

4子早前將翻唱《最後的信仰》的影片放上網，好評如潮！

Team B出身的4位音樂才子預料以抒情歌作主打外，又盼突破框框作多面發展。

4子翻唱One Direction的《Story of My Life》都好好聽。

Team B四子早於3月初，在YouTube上載首條翻唱《最後的信仰》的影片，獲原唱林二汶和陳健安讚好。被問到會否殺入樂壇？他們即支吾以對，並多次尷尬望實經理人求救，最終June鬆口表示：「我哋Keep住會有嘢進行緊，但所有嘢計劃當中。」追問是組男團定單飛？Aiden說：「我哋各有專長，當大家拎自己叻嘅嘢出嚟，相信件事畀一個人做力量更大。」而在總選中獲金牌經理人霍汶希睇中的Justin，直言賽後也有公司向他招手，雖然稱一切商榷中，但他說：「我就想自由度大啲，而家叫做搵到佢哋3個Keep住做，睇吓做到啲咩囉。」

4子從ViuTV節目《全民造星II》中，由導師陳潔靈領軍的Team B彈出。

仲讀緊書兼多才多藝的 Justin，曾獲兩大金牌經理人霍汶希和林珊珊睇中。

Aiden（右二）曾跟（左起）胡子彤、黃定謙合拍港台劇《火速救兵IV》。

（左起）Justin、Eagle、Aiden和June預料以4人組合姿態出道。

4位音樂才子預料以抒情歌作主打外，又盼突破框框作多面發展，至於會否跳唱？眾人即爆笑稱：「唔使一吓咁突破嘅！（怕同MIRROR比較?）發揮自己最好嘅嘢就最Connect到人，我哋都唔怕比較，每個組合或Artist都有自己魅力，總會有欣賞自己嘅觀眾，擔心太多只會阻礙自己想做嘅嘢。」對於花姐（監製黃慧君）似乎較偏心第一季，他們認為都很合理和正常，況且疫情也影響到工作量，Eagle說：「佢哋對自己Artist好都係正常事，總之做好自己嘅嘢、得到人認同就得，唔需要理偏唔偏心。」

陳樂（Justin）

洪助昇（Aiden）

梁瑞峰（June）

陳天翱（Eagle）

洪助昇表示希望透過新歌《你不是我的岸》講出「沉船」不要緊，最緊要識「上岸」。

英皇歌手洪助昇（Aiden）今日（4月18日）接受新城《勁爆樂勢力》主持黎莉訪問，宣傳足足用了10個月時間製作的新歌《你不是我的岸》，他在節目中坦言自己對歌曲及歌詞要求都很堅持，收到幾個Demo都不太滿意，歌詞也改了三個版本，他感謝唱片公司及同事、監製放手讓他發揮。

Aiden接受新城《勁爆樂勢力》主持黎莉訪問，宣傳新歌《你不是我的岸》。

黎莉問到《你不是我的岸》是Aiden自身真實的「沉船」經歷，Aiden表示希望透過歌曲講出「沉船」不要緊，最緊要識「上岸」，無論感情上遇到任何問題或不健康的感情，都會搵到好的出口，他說：「以前都好理性，之後想試下從感性方向識人，但想表白時，對方已在早一星期被人表白了，其實自己明知對方講大話，一早已睇穿對方喜歡短暫的愛情及享受瞹眜關係，以為自己可以改變對方，雖然都需要一段時間康復，但最後依然會為對方護航，依然覺得對方沒做錯，是自己願意付出。」

《你不是我的岸》是Aiden自身真實的「沉船」經歷。

Aiden希望透過歌曲講出「沉船」不要緊，最緊要識「上岸」。

Aiden並在節目中笑言加入唱片公司初時本想成為情歌王子，但其後公司提議他做悲歌王子，就連他坐的士到新城訪問時，他問司機知不知誰是洪助昇，豈料司機回覆有聽過，更指洪助昇全部歌都好傷感。

Aiden自爆坐的士到新城訪問時，問司機知不知誰是洪助昇。