*

杜德偉夜晚拖囝囝野外探險 父子被蟾蜍嚇到彈起

樂敍天倫。

杜德偉(Alex)近日帶太太李曉冰(Ice)和3歲兒子Alex Junior(AJ)入長洲露營,此趟一家三口仲選擇住蒙古包,AJ甫見到張牀已經興奮到紮紮跳!

杜德偉一家三口入了長洲露營。

杜德偉晚上帶小朋友去「探險」睇蟾蜍。

Ice昨晚再於囝囝的Instagram分享營中點滴,原來一班小朋友夜晚拎住盞燈仔去「探險」,其中一段片中,看到Alex拖住囝囝與其他小朋友一齊踎地研究蟾蜍,他耐心向大家講解:「佢同地下啲色係一樣,佢而家玩迷彩呀,佢當你哋唔知佢係青蛙(蟾蜍),以為佢係石頭,佢心諗呢次不妙喇。」

眾人仲好大膽圍住棵樹研究壁虎、蜘蛛。

語畢其中一位妹豬問:「咩叫不妙呀?」Alex就回答:「即係大件事喇,畀人捉咗!」對話爆笑,結果講完冇耐隻蟾蜍忽然跳走,嚇到眾人彈起身!

AJ玩到嗌攰!

杜德偉一家與友人一早起身野外用餐。

被羊咩包圍的AJ有啲驚。

雖然玩咗成晚AJ都嗌晒攰,但第二朝瞓醒又精力充沛再玩過,他們除了在野外用餐外,更有機會體驗「遊牧民族」生活,杜氏一家朝早便被好多羊咩咩包圍,不過AJ似乎有啲驚,相中的他一直匿喺一個哥哥身後偷望,唔少網民睇見都大讚好得意!

AJ仲匿喺哥哥身後偷望羊咩。