狗狗好慘
除了照顧家中小童及長者以外，不少港人亦會要求外傭幫忙放狗。然而，有網民在網上發文指，一名外傭每日放狗時亦會將狗隻綁在樓梯欄杆上，自己則在旁邊講電話，任由狗隻在炎熱的天氣下「乾煎」。相關帖文隨即引起網民熱議，並留言批評。
「西環變幻時」FB圖片
一名網民在Facebook群組「西環變幻時」發文指，每日在上班及下班時，亦會在聖士提反里附近看到一名外傭放狗，但指她基本上只會將該隻布爹利綁在樓梯欄杆，而她本人則在旁邊講電話。網民續指，該外傭有時會將狗繩綁在欄杆的較高位置，令狗隻無法坐下，並不禁在帖文中直言，「大熱天時咁樣乾煎唔知幾耐，真係好唔人道」，並呼籲若有人認識涉事狗主，希望可代為告知事件。該網民亦在留言中補充指，該狗隻不但乖巧，亦甚為親人。其後，該網民更新帖文指，「有朋友話狗狗主人已經知道情況，我亦會繼續留意住，唔該晒大家🙏🏻，西環街坊都好愛護動物，同我以前住嘅區好唔一樣，好開心咁多人關心佢哋。」
「西環變幻時」FB圖片
「西環變幻時」FB圖片
不少網民則留言批評相關行為，並直言「點可以咁過份」、「好慘」、「狗狗好乖好可僯，喺屋企好過出街」、「好過份呀！」，亦有人留言指「希望佢主人睇見」、「希望佢主人嘅朋友見到話返俾主人聽啦」等。另有網民指，每日晚上7時經過相關地點時，亦會看到相關情景，並指自己曾上前告知對方不應將狗繩綁得太高，但指對方只是「好假咁微笑， 但之後第二日又係咁」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
