ViuTV《萬遊攻略》玩窮遊　強尼陳俞希體驗人生

1萬蚊旅費！

強尼於ViuTV節目《萬遊攻略》中獲3美女作旅伴，但陳俞希（Hailey）、潘杰寧和盧慧敏（Amy）僅得1萬蚊旅費，要體驗窮遊人生！當中出走柬埔寨的Hailey玩得至豪，最刻苦的必定是在克羅地亞慳到盡的杰寧，而Amy就自爆於土耳其坐霸王熱氣球，最後還要「肉償」！

得1萬蚊旅費的Hailey仍可跟強尼一齊豪遊柬埔寨6日。

為慳住宿費，潘杰寧刻意選坐通宵機、通宵巴士又黐餐，「因為去得多城市，所以交通費貴咗，加上歐洲國家使費本身貴，淨係買機票都冇咗一半，好多時要食Pizza，好彩我都捱得。」問有否色誘強尼出手救濟？強尼說：「唔使色誘，我都有請佢哋食飯。」又爆Amy在土耳其獲請坐熱氣球，唔通有豔遇？她即爆出一句：「唔係，我之後有付出番肉體。」語畢全場嚇窒，Amy急急澄清：「係用勞力去換，我坐完熱氣球就幫手收，慳番港幣千幾蚊。（美人計？）唔關事，我好誠懇......其實我坐完先講。」

（左起）杰寧、Hailey、強尼與Amy均希望《萬遊攻略》能開第二季。

強尼玩鬼Hailey

唯一超支的陳俞希表示勁食好東西，「我哋成日食Fine Dine，加上唔睇價錢，後來發現開始緊絀，咪食平啲啲囉。」強尼還爆Hailey大媽上身撐遮上鏡，Hailey無奈道：「因為柬埔寨好曬，大家Set緊機我咪擔遮囉，強尼就係咁慫恿我：『不如你擔埋把遮出鏡啦』，後來睇番啲片好核突，佢仲要成日笑我。」在旁狂笑的強尼解釋：「因為嗰日Set咗好耐，大家喪暴曬，我想話畀人聽當地有幾熱，好真實。」

Amy無厘頭自稱穿羽絨收熱氣球的一幕，儼如「洗車女郎」般性感！

幸好杰寧曾於歐洲Working holiday，故也知道怎樣平玩。

Amy最難忘與當地人作深入的飲食文化交流，她更教對方沖港式檸茶。

除露背做Spa外，Hailey稱脫剩Tube dress濕身拜神已是最性感畫面。

P1X3L 5G互爆秘密！

ViuTV全新節目《周六食花生》將會於30日（星期六），逢星期六晚上8時30分播放。節目由節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。

主持李禹燊（Oscar）和黃汛一（Jake）

何洛瑤（Sica）被楊安妮（Win Win）、鍾卓穎（Ash）投訴生活習慣

首集嘉賓有P1X3L和楊安妮（Win Win）、鍾卓穎（Ash）、葛綽瑤（Yoyo）、許寶恆（Alice）及何洛瑤（Sica）

陳俞希、李禹燊、黃汛一擔任主持 新鮮配搭全新火花

楊安妮（Win Win）大爆何洛瑤（Sica）十分「大頭蝦」

George@P1X3L 笑言Phoebus和Yoyo每次玩遊戲就會進入「獸性mode」

George@P1X3L 笑言Phoebus和Yoyo每次玩遊戲就會進入「獸性mode」

George@P1X3L 笑言Phoebus和Yoyo每次玩遊戲就會進入「獸性mode」

P1X3L 5G需通過測謊機的真心話大考驗

P1X3L 5G需通過測謊機的真心話大考驗

P1X3L 5G各自大爆對成員的不滿

星期六晚（30日）播出的首集，邀請到即將舉行演唱會的P1X3L和楊安妮（Win Win）、鍾卓穎（Ash）、葛綽瑤（Yoyo）、許寶恆（Alice）及何洛瑤（Sica）作嘉賓，分享成員們之間相處的趣事。在「誰是被告人」的環節中，每人需要寫出對其中一位成員的不滿。歐鎮灝（George）笑言吳啟洋（Phoebus）和Yoyo每次玩遊戲就會「獸性大發」：「好似要你死咁呀」；而Win Win則用千字文控訴Sica：「一路行一路跌嘢，每隔一分鐘就跌嘢。仲要霸住人地張床，將佢所有嘅嘢擺哂係人地張床度，整污糟哂。然後搞到人地要搵第二張床瞓，有無搞錯」曾與Sica和Win Win同房的Ash亦笑言十分同意。

Stanley、姜濤、Edan和Jeremy表示如想成為第13位怪盜先需通過姜濤彈額頭測試

而在「突然探班」環節中，成功捕捉到MIRROR部份成員。被問及要成為第13位怪盜的必要條件時，呂爵安（Edan）笑言第一關先要通過被姜濤彈額頭的測試，在旁聞言的姜濤只懂得害羞傻笑。