*

upload_article_image

PO後火速刪童年舊相 城城大女八成似兒時方媛

女大十八變!

趁「六一兒童節」,「城嫂」方媛(Moka)在微博分享了兩張小童及中童照,並留言:「猜猜大寶和小寶誰和我小時候比較像?六一兒童節」,不過,出PO一陣,Moka竟然火速刪相,童年相好快就無得留低。

小時候Moka面圓圓,束住孖辮仔,襯花裙仔,好可愛。

中童開始輪廓開始分明,唯獨未見有雙眼皮,且雙唇冇咁精緻。

方媛愈嚟愈靚女。

相中Moka束住孖辮仔,相當可愛,從前Baby fat有包子臉,如今臉型的確更顯瘦,而且眼、鼻、口輪廓較深,與現在擁有雙眼皮兼無眼袋相比,真的是女大十八變,愈來愈靚,難怪連天王城城都勁Like,錫到老婆燶。

方媛經常喺微博晒恩愛。

方媛帶過大女Chantelle到場支持城城,一家三口還溫馨合照。

相對二寶從未曝光,日前Moka帶過大女Chantelle到場支持《郭富城鼓舞.動起來網上慈善演唱會》,還罕有地在海旁一家三口合照留影,可見Chantelle雖然戴住口罩,但紮住兩個小髻仔的她眼仔碌碌,驟眼睇都有媽咪影子,雙眼及前額相似度有八成。