*

upload_article_image

《真情》後相隔20年再合作 薛家燕黃智賢合體做主持

家燕姐笑指Ben係她前輩。

黃智賢(Ben)昨晚(2日)到將軍澳電視城參與節目《流行經典50年》錄影,並透露將會在黎耀祥後,以嘉賓主持身份與薛家燕合作主持節目,暫時未知會主持幾多集,生怕好快被監製「叮走」,笑言望家燕姐乃念當年齊齊合演「真情」,可以照顧他!

薛家燕

身穿「貝兒公主」裙的家燕姐表示,二人是繼《真情》後再度合作,相隔廿多年,她笑說:「我要叫佢一聲前輩,因為當年重回幕前拍《真情》,工作矇查查,係由阿Ben孭住我出場,好多事都係由佢嚟提點我。」

《真情》相隔20年,「阿海」、「好姨」再合作主持節目。

當年《真情》有唔少經典場口。

家燕姐又指當時街上,個個都認出黃智賢係「阿海」,反觀沒有人叫她一聲「好姨」。不過,相比當年,家燕姐說自己重了很多!Ben即賣口乖笑道:「家燕姐同身家一樣愈嚟愈厚!」

喺疫情下冇乜嘢做,家燕姐叫Ben兩公婆趁機造人。

家燕姐留意到Ben不時為太太下廚,讚兩公婆十分甜蜜。

此外,家燕姐在社交平台不時見Ben為太太下廚,十分甜蜜,笑問:「食飽可以做咩?要搵啲事嚟做呀!」Ben反擊說:「呢啲留返你同新抱講啦!」