《真情》後相隔20年再合作 薛家燕黃智賢合體做主持

家燕姐笑指Ben係她前輩。

黃智賢（Ben）昨晚（2日）到將軍澳電視城參與節目《流行經典50年》錄影，並透露將會在黎耀祥後，以嘉賓主持身份與薛家燕合作主持節目，暫時未知會主持幾多集，生怕好快被監製「叮走」，笑言望家燕姐乃念當年齊齊合演「真情」，可以照顧他！

身穿「貝兒公主」裙的家燕姐表示，二人是繼《真情》後再度合作，相隔廿多年，她笑說：「我要叫佢一聲前輩，因為當年重回幕前拍《真情》，工作矇查查，係由阿Ben孭住我出場，好多事都係由佢嚟提點我。」

《真情》相隔20年，「阿海」、「好姨」再合作主持節目。

當年《真情》有唔少經典場口。

家燕姐又指當時街上，個個都認出黃智賢係「阿海」，反觀沒有人叫她一聲「好姨」。不過，相比當年，家燕姐說自己重了很多！Ben即賣口乖笑道：「家燕姐同身家一樣愈嚟愈厚！」

喺疫情下冇乜嘢做，家燕姐叫Ben兩公婆趁機造人。

家燕姐留意到Ben不時為太太下廚，讚兩公婆十分甜蜜。

此外，家燕姐在社交平台不時見Ben為太太下廚，十分甜蜜，笑問：「食飽可以做咩？要搵啲事嚟做呀！」Ben反擊說：「呢啲留返你同新抱講啦！」

57歲仲係21吋腰。

葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

葉子楣（Amy）昨日(20日)接受新城《開心大派對》主持薛家燕、思敏及范振鋒訪問。

葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！

當年墮入愛河而毅然引退！

家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」

葉子楣大方公開保持身材秘方。

話唔好食煎炸及鹹嘢，仲要戒埋甜品！

家燕姐好羨慕葉子楣身材。

Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

葉子楣指做人要向前望。

家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

葉子楣當年堅持不露點！