被告在電話中表示晚晚瞓唔著，好辛苦。
患精神病的外婆前年涉在時鐘酒店勒斃6歲男孫案今於高等法院續審。
女被告（右）被警方拘捕。
55歲被告簡桂芳今出庭自辯，被告指她在2018年3月16日致電撒瑪利亞防止自殺會熱線後，道出自己「晚晚瞓唔著，日日只係瞓到一兩個鐘，個心好似俾五隻手指緊抓住咁，好辛苦」，又指自己「十分擔心個孫嘅學習問題及行為問題，我想同個孫一齊跳樓死」。她憶述當時撒瑪利亞會的義工回答說：「你依家有兩條路可以行，第一條就係按照你諗依條路去做，第二條就係繼續照顧個孫幾年，幾年之後我就會搵人帶走你個孫，咁你以後就見佢唔到」。被告邊說邊抱頭痛哭，並形容她當時「好驚」。被告指她聽畢該電話後更是傷心絕望，認為自己是被社會遺棄的人，恐懼的情緒控制著她的心情，「聽佢咁樣講，我都好想死」，隨即執筆撰寫遺書。
女被告（右）被警方拘捕。
被告在案發當日與死者遊玩，抱著睡著的死者在灣仔租住酒店，入住酒店後問職員借剪刀剪頭髮，然後死者醒來一齊玩玩具，但死者大聲責罵被告：「唔係咁樣玩架！點解你咁蠢架！唔識玩玩具」。被告怕死者在學校也會這樣罵人，遂拿剪刀剪下背包肩帶「想勒佢」，咁她想到：「咁樣勒佢好似好殘忍咁」，故放下肩帶。二人在晚上11時許一起睡覺，但被告難以入睡，腦袋突然浮現死者是精神病患者的想法，「所以攞條帶勒死佢」。被告回過神來發現死者「唔郁」，她便拿起刀欲自殺，「我摸我自己成身，唔知插自己邊度好，我都好想死，但又怕地下有血，會麻煩到啲職員，又怕兩個人死係間房度，會影響酒店聲譽」。
她走出房間向職員指「我整死人」並請職員報警，救護員到場發現死者仍有脈博並進行急救，但她一邊哭一邊搭著救護員肩膊說：「佢有精神病，唔好救佢啦」。被告指自己當時「唔識諗」，不知道自己做錯事要坐牢。而她案發當月沒有服用任何精神藥物，情緒比較不穩，「我認我誤殺佢，但我無謀殺佢，我又無為佢買保險，我殺左佢一啲著數都無」。
案件明續，被告將繼續接受控方的盤問。
