霍啟剛接受巴士的報專訪，談到對國安法立法的立場和體育界如何走出疫情困局等問題。霍啟剛今年獲委任為藝術發展局成員，佢亦都關注到文化藝術界人士同樣深受疫情打擊生計，希望政府在考慮如何支援他們時，可以跳出框框，帶出新思維。
外界盛傳霍啟剛有意出戰立法
對於外界盛傳霍啟剛有意出戰立法會，巴士的報記者當然無放過機會問佢，佢似乎有所準備，答話：「我現在的工作重點仍然是支持體育界和藝發局所支持的藝術團體應對疫情，及在疫情過後如何幫助體藝界重新出發。」
霍啟剛並無嚴詞否認，呢個答案都可引起大家無限聯想。
提起啟剛，大家都會想起佢太太郭晶晶，近年，霍啟剛出任的公職愈來愈多。諸多公職在身，點樣平衡事業與家庭，確實是一道大難題。太太有沒有「詐型」他花太多時間在工作上？他又是如何分配照顧小朋友的時間的？
一提到太太和三名子女，霍啟剛由心笑出來。
霍啓剛笑言：「太太一直都好支持我的工作，特別她自己也是運動員出身，知道我的工作都在推動業界發展，從來不會有怨言。」
佢仲借機會感謝太太：「停課這段期間，指導孩子的工作都落在她身上，每日要打點三個小朋友做功課同居家活動。」
霍啟剛和太太同囝囝。網上圖片
不過他也表示，因為疫情，社交應酬活動也減少，所以都會善用時間，晚上回家陪伴孩子玩遊戲、看看書，希望他們可以輕鬆一下，亦可以建立良好的親子關係。
有關霍啟剛的訪問，請按以下連結：
https://www.bastillepost.com/hongkong/article/6562334
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
