與蔡瀚億補祝鄭則仕生日 吳業坤：過咗咁不孝

遲到好過冇到！

鄭則仕（Kent）上月22日69歲生日，早前陳煒在社交網貼上與姜皓文齊為Kent哥慶生照。

JW路過都來合照祝壽，但原來當時Kent不知她是誰。

與Kent哥合作過電視劇《荷里活有個大老千》的後輩吳業坤，昨夜在社交網分享跟同劇的蔡瀚億、王子涵等跟Kent哥慶生照，Kent哥太太林燕明都有上鏡。坤哥留言：「Kent哥四哥乾爺早前生日 我地（哋）幾個竟然過左（咗）咁耐先同佢慶祝 真係不孝呀」。

坤哥跟王子涵、蔡瀚億等為Kent哥補祝生日，Kent嫂都有出席。

另一張相還有JW（王灝兒）在內，坤哥解釋：「同場加影撞到既（嘅）JW 然後Kent哥之後whastapp番 原來係JW黎（嚟）既（嘅）架（㗎） 真人靚咁多真係唔認得（我加既（嘅）） 叫我同佢講聲唔好意思」。

《卡拉O！BABE》返嚟喇！

由新城廣播創作總監及節目主持啤梨（葉文輝）主持的經典節目《卡拉O！BABE》正式回歸並於日前（3月8日）首播，第一日開咪已經有不少驚喜，所有電話線爆晒燈，「鬼王」潘紹聰突然殺入錄音室展歌喉，原來「鬼王」好唱得，驚喜還未完，節目尾聲時，吳業坤「坤哥」扮聽眾打電話到節目，熱鬧到不得了。

啤梨（葉文輝）主持的經典節目《卡拉O！BABE》正式回歸

第一日開咪已有不少驚喜

「鬼王」潘紹聰突然殺入錄音室展歌喉

所有電話線爆晒燈

「鬼王」潘紹聰殺入直播室唱K

啤梨（葉文輝）

聽眾們期待10年的回憶殺《卡拉O！BABE》終於正式回歸，豐富主持經驗的啤梨開咪前也興奮說：「好緊張！一早便返回錄音室做足準備，測試咗好多次收音器材！」十分認真。而好友潘紹聰知道啤梨首播，馬上全力支持，仲罕有在大氣電波顯示歌喉，即席獻唱近期熱爆的《傾城》，更鬼馬地大改歌詞，把其中一句改為「傳說中 痴心的眼淚會『新』城」，笑翻全場。潘紹聰笑言，自己的節目《恐怖熱線》比《卡拉O！BABE》遲一天開播，仍不忙為啤梨做嘉賓：「我聽日（9日）先開波，我今日畀咗你喇！」

吳業坤扮聽眾打電話到啤梨主持的首集《卡拉O！BABE》

進入節目第二部份，錄音室的電話線繼續爆晒燈，一直不斷有聽眾打電話進來想唱歌，但啤梨也沒想到收到意外驚喜。「係咪啤梨？係咪啤梨呀？我係吳業坤！」啤梨當場也呆了兩秒，反問對方：「吳業坤？你真係嗰個吳業坤？」坤哥笑言自己應該早在14年前打通這個電話，自言自己從小就很愛唱K，更即場演唱自己首本名曲《陽光點的歌》，為節目炒熱不少氣氣。可惜，一小時的節目很快便完結，不少聽眾要留在下星期再度點唱，但啤梨在節目後仍細心逐一致電給聽眾們安撫，他說最希望聽眾們每逢週五晚6時至7時，都可以打1834997，「開開心心聽吓歌、唱吓歌」。