大合照企Do姐隔離好受寵？黃庭鋒：Do姐超級公平公正

Telford大讚Do姐主持及演出都好犀利，他好想同Do姐做節目。

32歲、懂得四種語言的黃庭鋒（Telford）近期深受TVB力捧，除了和譚玉瑛等主持新一輯《香港原味道》外，上周還拍住馮盈盈在《萬眾同心公益金》幫手做菜，有份演出的新劇《飛虎之雷霆極戰》更將播出。

庭鋒喺《香港原味道》中要耕田。

庭鋒喺《香港原味道》獲譚玉瑛讚賞。

上周仲拍住馮盈盈喺《萬眾同心公益金》度幫手拌勻白飯及泡菜。

昨日（10日）Telford又有新嘗試，應邀參與《Do姐有問題》，跟女子組合Super Girls（SG）成員Jessica（蔡明思）、Aka（趙慧珊）、孔德賢玩遊戲。

大合照時黃庭鋒企正Do姐隔離。

之前庭鋒接受過Do姐主持電台節目《口水多過浪花》訪問。

Do姐向來對「小鮮肉」都心心眼，而大合照中，庭鋒企正Do姐隔離，連好拍檔農夫都彈到最開，對此，庭鋒笑言不是受寵：「純料工作人員安排企位，其實我唔係第一次同Do姐合作，之前曾經接受過佢主持嘅電台節目訪問，只係今次玩遊戲，Do姐超級公平公正。佢係我其中一個偶像，不論主持及演出都好犀利，相當有感染力，而且仲係與時並進，好努力嘅藝人，值得後輩學習。見到Do姐，我唔會用驚去形容，反而係好想同佢做節目。」

黃庭鋒形容新一輯《Do姐有問題》遊戲好刺激同好玩。

庭鋒曾經好好運奪走台慶過百萬大獎。

年前奪得總值過百萬的台慶壓軸大獎，問到今次能否爭取到可觀現金獎？Telford就賣個關子，笑言：「我同孔德賢一組，今次拍攝峰迴路轉，經歷咗高山低谷，雖然之前都有做定功課，尤其重溫Do姐經典劇集，但現場好考眼明手快，辨聲能力，好彩有陸永幫手做邏輯推理，幫到我哋好多，覺得今日好好玩，Do姐同農夫合作無間，令到個氣氛超正，其實贏唔贏到現金獎係其次，我反而好享受過程。」

黃庭鋒笑言：「我演親都係九死一生！」

由徐正康夥拍新鮮人陳萍April擔任監製、麥世龍擔任編審的《妳不是她》，明晚（12日）八點半翡翠台播映大結局。

庭鋒嘅深情同柔情眼神為佢吸獲唔少正評。

佢同盈盈劇入面都有唔少浪漫場口。

再重溫多次郭柏妍嘅狠樣先。

呢吓爆樽好真實。

呢吓爆樽好真實。

《妳不是她》開播以來最為網民津津樂道的，是女主角夏莉（馮盈盈飾）真身到底是甚麼，除有網民懷疑夏莉與愛貓Nana交換靈魂外，亦有網民憑藉7G電話這個線索推測夏莉是未來人。這個醞釀了足足兩個多星期的謎團昨晚（10日）終於揭盅，不少網民大嘆意料之外。昨晚劇情還原當日夏莉與林信（丁子朗飾）撞車現場，原來當時另一個時空的夏莉與林信亦同樣鬧分手兼撞車，不同的是在另一個時空主動提出分手的是林信，負責駕車的是夏莉。由於兩個時空的夏莉及林信差不多於同一個時間點撞車，這個巧合造成兩個時空的夏莉對調身份，原本的夏莉去了另一個時空後，由於該個時空的林信於車禍現場死亡，導致夏莉以殺人罪被即場逮捕，配以滂沱大雨畫面及暗黑氛圍，令劇情更趨緊湊…

呢場打鬥戲要兼顧唔少嘢，所以都花咗唔少時間拍攝。

女有女打

男有男打，各有各凶狠。

由梳化一直打到碌落地。

真係少啲體力腰力都唔掂。

女人狠起上嚟都唔惹少。

打到滾床單。

郭柏妍最終係畀馮盈盈嚇到喊。

拍打戲最大障礙係背心？
昨晚黃庭鋒演出亦相當精彩，繼之前晒肌挑戰體能之巔後，這次再下一城挑戰身手。昨晚劇情講述夏莉為幫林信家姐林善（車婉婉飾）救回被擄走的Anson（林景程飾），竟背著林信找其好友阿Man（黃庭鋒飾）幫忙，並與洛妍（郭柏妍飾）及其男友Kenny（鄒兆霆飾）展開混戰。在一分半鐘的對打戲中，除了盈盈及郭柏妍的女人交狠辣又吸睛外，庭鋒與鄒兆霆的拳頭交亦不容忽視。兩名猛男除了在地上瘋狂扭打兼互摑，更由地下打到跳上梳化再齊齊碌回地面，當中庭鋒更先後被郭柏妍以玻璃樽及棒球棍打頭。談到該場動作戲，庭鋒笑言是「耗盡體能」，皆因拍了整整一個通宵，很多動作都是「即學即打」，並笑言拍攝最大障礙是二人身上的背心：「好難呀真係，一來個地方細，二來原本諗住只係簡單拉扯戲，因為著住背心做唔到個效果，所以臨場變陣一嚟就要滾完落地再跳上梳化，同埋要用拳頭對打。」

庭鋒個角色唔單止受傷，仲要畀好朋友怪責，陰公。

而佢個委屈同有口難言樣真係幾令人同情。

之後盈盈仲決定同佢撇清關係。

呢個時候仲笑得出真係好大方。

被盈盈狠狠落閘後，庭鋒依然保持有風度嘅微笑。

被盈盈狠狠落閘後，庭鋒依然保持有風度嘅微笑。

但其實得番一個人嘅時候，佢個樣即刻無限失落。

而一直暗戀夏莉的阿Man，自劇情爆出是其認識夏莉在先、並忍痛讓愛予好友後，即贏得不少網民同情及支持！昨晚阿Man捨身為夏莉出頭後，不但換來阿信呷醋兼鬧爆，更遭夏莉狠心撇清關係，最終傷心過籠的阿Man失神下炒車、並因頭部重創再度入院…阿Man的「悲情男二」遭遇，加上庭鋒情深眼神及經常有口難言的失落表情，令阿Man的「無私犧牲」人設更加突出，有網民直言：「睇完套戲阿Man超級加分！」為庭鋒吸獲不少人氣。對於獲網民力撐，庭鋒笑言開心又感恩，並感激監製及編審賜予好角色：「我個角色對夏莉嘅愛係唔係想拆散佢同林信，而係真係一直只係想付出，所以先令到個角色咁感人同埋入屋。」庭鋒更搞笑謂：「我之前拍親劇都係九死一生，今次就令大家覺得我好慘咁。總之能夠令觀眾投入到又睇得肉緊，我已經好開心。」

最後仲失神撞車。

對於「妳不是她」嘅背後真相原來係平行時空，網民都好詫異。

另一個時空嘅林信係死咗嘅。

到底身陷險境嘅夏莉，最終可唔可以返到去原本嘅世界呢？