快快康復出院
Jayco Charlie Cheng Facebook
患有先天性心臟病的3歲男童「小鐵漢Kansas」上月進行第4次手術換了機械心瓣，期間心率不正情況變得嚴重，6月1日進行心臟起搏器植入手術，完成第5次手術。現時康復進度良好，已經離開ICU轉至普通病房，今日小鐵漢爸爸Jayco再次更新兒子的消息，表示兒子只要克服2個問題就可以出院啦！
Jayco Charlie Cheng Facebook
爸爸表示因為兒子肚仔突然多了一個心臟起搏器，而且體積不小，所以小鐵漢很不習慣，「成日喺張牀度唔願郁，一落地更加鬼殺咁嘈發哂脾氣，但今日囝囝終於好成功咁行咗20米！」爸爸更笑言「小鐵漢一小步，近出院一大步」！
爸爸大讚小鐵漢是超人。Jayco Charlie Cheng Facebook
因為小鐵漢安裝了機械心瓣，所以要食薄血藥控制血小板指數，「簡單啲講即係啲血太會稠影響機械心瓣運作，太稀會搞到內出血，所以醫生依家每3個鐘都會喺阿仔手上個粒『豆』度抽血去化驗，再根據每次嘅結果去調藥。」
「Jayco Charlie Cheng 」fb圖片。
小鐵漢之前每次抽血都會勁驚同爆喊，但今次因為是用「豆」抽，爸爸哄兒子表示，「你只會感覺到有啲嘢喺裏面走嚟走去，就好似騎士龍變身嗰時咁，有啲好勁嘅能量行勻全身，跟住先可以變身變勁打怪獸。」爸爸大讚小鐵漢叻仔，現在他每次抽血都會好乖，「仲不斷咁自言自語咁講『好似騎士龍咁』，完全覺得自己俾人抽血係一件好有型嘅事。」