同拍檔拍一日拖培養感情 山下智久俾導演臨場改劇本嚇親

劇集將於今晚（12日）9點於HBO頻道全港首播，HBO GO 也會同步上線。

HBO Asia全新原創驚悚劇集《南極兇案》（THE HEAD）講述一班世界精英研究隊成員在南極科學研究基地發生離奇命案。香港人好熟悉的日本男星山下智久（山P）飾演團隊中的一名微生物學家，跟飾演醫生的Katharine O’Donnelly有感情線，為培養感情，開拍前山P更同Katharine拍一日拖幫助入戲，但拍拖未算刺激，導演臨場改劇本先嚇親山P。

《南極兇案》

觀看相關影片按以下畫面：

山P在劇中飾演「Aki」，他形容：「Aki係一位才華橫溢嘅微生物學家，第一次去極地工作，佢傾盡全力，只為想喺南極洲跟知名生物學家Arther（John Lynch飾）工作嘅機會。」他又提到飾演醫生的Maggie（Katherine O’Donnelly飾），「Aki同Maggie由細到大都對大家有特殊嘅感覺，所以好快喺埋一齊，之後局勢陷入危機時，我都有竭盡所能保護Maggie。」

山P收到劇集資料後已對故事非常感興趣，「我認為拍攝過程對我嚟講可能會係嶄新嘅體驗，所以非常興奮同期待。」

講起Katherine，山P坦言拍攝前，導演Jorge Dorado特別安排Katharine跟山P約會，「我哋好似情侶咁過咗一日，咁樣好幫助到我同Katharine能更快熟悉大家同進入角色。」

山P同佢嘅一日情人Katherine合作愉快。

另外，山P同其他演員收工後會一齊去食飯同飲酒，亦有去當地的音樂節，「我自己租咗車去環島，亦曾自己一人去孤島度周末。」最重要身處當地的山P享受到難得的寧靜，「我真係好享受，在特內里費島時冇人認得我。」

山P好很高興能參演一部能讓全球觀眾都能收睇的國際作品，並表示真的好想知道全球觀眾嘅反應。

山P提到剛開始拍攝前有點緊張，但很快就意識到所有演員都抱住同樣的熱情盡全力演出。

劇組在西班牙特內里費島及冰島拍攝了三個月，要全英語拍攝，對精通英語的山P亦與得不容易，「現場有一名表演指導及一名英語指導。一開始我花咗好長時間先真正體會劇本所要表達嘅意思，而最大挑戰係導演會喺片場上大幅度修改劇本嘅措辭同表達方式，所以喺拍攝前期，我其實有啲緊張，不過呢個情況逐漸改善，而我亦開始變得更有自信。」

提到拍攝情況，山P表示每日都在同一時間開工及收工。「喺日本唔常見，所以亦比較容易保持良好嘅身心狀況。」

劇集於特內里費島上一個2,000平方公尺的攝影棚內拍攝。

最後，首拍歐美劇的山P再三表示能夠拍攝《南極兇案》係非常好的經歷，「我學咗一啲西班牙語，例如『aqui』（發音與「Aki」相同），意思是「這裡」。」

BLACKPINK成員Lisa在活動上巧遇SEVENTEEN成員珉奎，兩人超搞笑互動成為焦點，而日本男神山下智久當日亦排隊與Lisa合照，但兩秒後就被請離場，氣氛略尷尬。

韓國女團BLACKPINK成員Lisa日前受邀出席韓國一個品牌活動，當日活動上共邀來包括韓國、日本、泰國等共40組藝人。除了Lisa，SEVENTEEN成員珉奎、ENHYPEN成員NIKI及禎元、李鍾碩、搞笑藝人洪真慶、近期大熱演員金智媛、日本男神山下智久等亦有到場。

SEVENTEEN珉奎（網上圖片）

金智媛（網上圖片）

Lisa壓軸出場（網上圖片）

活動上Lisa和珉奎的互動片段在網上成為熱話，片中見到同是97年生的他們相當健談，而且Lisa更不斷向珉奎放電眨眼，但珉奎一臉無表情回應Lisa，最後更直接轉頭無視Lisa，而Lisa因此大笑起來，可見兩人關係相當友好。有粉絲表示有生之年見到兩位偶像同框，更表現出真友誼，感到很感動。

兩位難得同場（網上圖片）

當日活動上，另一段造成熱話的是活動上的人正在排隊，等待與Lisa合照，日本男神山下智久竟然也是其中一員，但最令人尷尬的是山下智久坐下拍照兩秒後，未有機會聊天就馬上被身後的保安請離開，雖然Lisa馬上向山下智久說「謝謝」，但山下智久臉上難免露出無奈的表情，成為網上熱話。

日本男神山下智久當日亦在場（網上圖片）