原來坤哥係咁減肥......
王灝兒（JW）早前被拍到在數碼港公園放狗，當時穿貼身瑜珈褲的她手臂、大髀明顯脹卜卜，估計抗疫期間陪卓悅太子爺男友葉韋彤（Tarzan）密密食，出現「幸福肥」。
JW早前被拍得幸福肥去數碼港公園放狗。（資料圖片）
JW本月初自爆開始停食澱粉質，成功一星期減掉兩磅。
本月初現身電台宣傳時，JW亦自爆近期發福，所以開始停食澱粉質，成功一星期減掉兩磅，而今日（12日）她又在社交網貼出「出水芙蓉」舊照，並向大家報告最Update瘦身進展，「過去呢兩個星期我都好勤力減肥！！！我喺兩個星期入面減咗4lbs!!真係越大越難減，大家快啲俾多啲鼓勵我啦。」
資料圖片
吳業坤踩場留言：「屙兩嚿無咗啦！」但JW反擊無對方咁多屎！
除了男友Tarzan即刻派Like，一眾圈中好友胡鴻鈞、連詩雅、林欣彤等紛紛嗌加油，不過，吳業坤的鼓勵就比較另類，他留言：「屙兩嚿無咗啦！」JW都直接地回覆：「我無你咁多屎！！！！」
《卡拉O！BABE》返嚟喇！
由新城廣播創作總監及節目主持啤梨（葉文輝）主持的經典節目《卡拉O！BABE》正式回歸並於日前（3月8日）首播，第一日開咪已經有不少驚喜，所有電話線爆晒燈，「鬼王」潘紹聰突然殺入錄音室展歌喉，原來「鬼王」好唱得，驚喜還未完，節目尾聲時，吳業坤「坤哥」扮聽眾打電話到節目，熱鬧到不得了。
啤梨（葉文輝）主持的經典節目《卡拉O！BABE》正式回歸
第一日開咪已有不少驚喜
「鬼王」潘紹聰突然殺入錄音室展歌喉
所有電話線爆晒燈
「鬼王」潘紹聰殺入直播室唱K
啤梨（葉文輝）
聽眾們期待10年的回憶殺《卡拉O！BABE》終於正式回歸，豐富主持經驗的啤梨開咪前也興奮說：「好緊張！一早便返回錄音室做足準備，測試咗好多次收音器材！」十分認真。而好友潘紹聰知道啤梨首播，馬上全力支持，仲罕有在大氣電波顯示歌喉，即席獻唱近期熱爆的《傾城》，更鬼馬地大改歌詞，把其中一句改為「傳說中 痴心的眼淚會『新』城」，笑翻全場。潘紹聰笑言，自己的節目《恐怖熱線》比《卡拉O！BABE》遲一天開播，仍不忙為啤梨做嘉賓：「我聽日（9日）先開波，我今日畀咗你喇！」
吳業坤扮聽眾打電話到啤梨主持的首集《卡拉O！BABE》
進入節目第二部份，錄音室的電話線繼續爆晒燈，一直不斷有聽眾打電話進來想唱歌，但啤梨也沒想到收到意外驚喜。「係咪啤梨？係咪啤梨呀？我係吳業坤！」啤梨當場也呆了兩秒，反問對方：「吳業坤？你真係嗰個吳業坤？」坤哥笑言自己應該早在14年前打通這個電話，自言自己從小就很愛唱K，更即場演唱自己首本名曲《陽光點的歌》，為節目炒熱不少氣氣。可惜，一小時的節目很快便完結，不少聽眾要留在下星期再度點唱，但啤梨在節目後仍細心逐一致電給聽眾們安撫，他說最希望聽眾們每逢週五晚6時至7時，都可以打1834997，「開開心心聽吓歌、唱吓歌」。
