吳若希陀B仔喜出望外：比預期中早了半年

娛圈事

吳若希陀B仔喜出望外：比預期中早了半年

2020年06月12日 15:20 最後更新：15:21

成功湊成個好字啦！

28歲嘅吳若希（Jinny）同澳門闊少老公何兆鴻（Alex）就成功造人喇！上月突傳Jinny有咗第二胎，並有咗三個月，但當事人一直未有正面回應，直至早前在IG發圖文，上載「一家，四口。」合照，正式認佗B。

Jinny返TVB電視城錄節目親自分享喜悅，仲透露今次係陀B仔，成功湊成個好字，她又指今次有喜比預期中早了半年，事關她指現時為了讓子女派到一間好學校，要計他們出生月份，笑言現在B仔只好做「年尾B」。

另外，Jinny表示今次陀B仔比第一次陀B女較辛苦，幸有老公出門幫忙買日常品，並講笑話終於可以再過女王生活，要把握時機奴役老公。

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：20:14

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」