阿雪話屋企人為求安心，已搵師傅上嚟睇。
「古」有「大文豪」周柏豪打碎玻璃杯晒潮文，今有索人妻孫慧雪（阿雪）爆廁所玻璃門，但她卻未有入前者般撰寫感性短文，或用15分鐘去欣賞碎玻璃的美態，只是貼出滿地玻璃碎的照片。
網上圖片
阿雪留言：「多災多難⋯⋯繼上次客廁熱水爐爆水、然後到主廁爆水，兩次都爆到瀑布咁，今次最金，因為今次係玻璃瀑布，成個玻璃幕門爆咗，姐姐成手血，我哋成腳血」，又Hashtag「希望明天會更好」、「早抖」，一眾網民睇見都好擔心，好在阿雪表示無人嚴重受傷，大家只是踩到玻璃粉，兩歲囝囝Riley亦無事，並表示決定將玻璃門轉做膠門。
有網民就問阿雪有沒有拜四角，她就忽然自爆屋企疑似有「古怪嘢」，「其實我係基督徒，不過之前工人姐姐成日話見到嘢，屋企人為求安心，幫我搵咗位師傅上嚟睇，嗰位師傅話我廁所有啲嘢，哈哈，然後已經裝咗長明燈。」
好彩囝囝無受傷。
阿雪圖文不符，於IG貼出「牀照」報告爆玻璃事件。
另邊廂，阿雪又在Instagram發文報告爆玻璃件事，但就比Facebook個Po多了張「牀照」，有網民問她：「圖一？係咪發錯？」阿雪解釋：「其實係唔想個IG面係爆玻璃張相。」
