看來安仔得到了教訓
自「安心」事件發生後，許志安停工長達14個月，所有時間留在家中陪太太鄭秀文(Sammi)。經過一年兩個月沉澱，閉關思過，今日安仔終於在工作上重新出發，正式復工，晚上錄影ViuTV音樂節目《寶麗金50周年Chill Club》，獻唱他於寶麗金旗下正東年代作品《一步一生》，安仔坦言已準備及裝備好才面對大家。
點擊看圖輯
看來安仔得到了教訓
心情緊張
勇敢承擔
學會珍惜
Sammi：「老公你幾時返嚟？我同Lucky屋企等緊你呀！」(設計對白)
「安心」事件後，安仔曾開記者會喊爆道歉。
發生了「安心」事件，馬明找到湯洛雯，全城都戥他們開心。
復出的安仔揚言會用誠意讓人知道，他會勇敢面對同承擔，一定比過去做得更好。
心情緊張
剪了頭髮精神奕奕安仔面對半百傳媒訪問，明顯變得緊張，首先談到：「今日好開心出嚟，最主要經過呢段時間，自己嘅沉澱、反省、學習，覺得自己成長咗好多，喺呢段時間確實有HARD TIME，但每次面對自己，都反問自己起點喺邊度？會好盡力咁向前望，今日係一個好timing出嚟好好去學習、面對自己。」但承認緊張到睡不著。
記者會上，安仔神態自若，有問必答，無Hea答，在場傳媒都覺得是舒服的。
勇敢承擔
安仔續說：「喺呢段期間花咗好多時間陪屋企，屋企對我好重要，我好努力咁去裝備自己，做運動、睇書，好好鍛鍊自己。我亦都深深去諗未來應該要點行，所以今日喺呢個時間出嚟見大家，嚟承擔返我之前講過嘅嘢，喺呢年幾時間入面畀自己靜思己過，我家裝備好，係時間出返嚟，就決定重新出發。咁耐冇出嚟，都有問自己係咪ready好？太太都有同我講：『要100% ready、有信心、內心心態要正面、出嚟時要真心，畀人知道要勇敢面對同承擔。』不過，我見返咁朋友，真係有啲緊張。」
好友Joey Tang都來給定心丸安仔。
學會珍惜
戴上婚戒現身的安仔，講到太太都有少少眼濕濕。問到老婆Sammi如何鼓勵他出關？安仔說：「佢又冇乜特別，只係叫我自然啲，對自己有信心，喺呢段時間我有好好咁修理自己。我哋嘅狗Lucky已經15歲，呢段時間佢身體更加差，行唔到，我哋要花好多力氣去照顧佢，喺佢身上學到珍惜。雖然佢已經進入倒數嘅日子，但我都希望佢可以開心啲，喺倒數日子唔好咁痛苦。」之前安仔也有做義工落區派口罩給長者，覺得老人家需要愛和關心，過程中反而覺得自己才是受助者，故未來除了專注家庭事業，也更多關心社會。
「安心」事件後，安仔體會到家庭的重要性，同心穎已沒有聯絡。
Sammi：「老公你幾時返嚟？我同Lucky屋企等緊你呀！」(設計對白)
「安心」事件後，安仔曾開記者會喊爆道歉。
發生了「安心」事件，馬明找到湯洛雯，全城都戥他們開心。
心穎斷交
又被問到可有跟「安心事件」女主角黃心穎聯絡？安仔沒有避談，神態自若回答說：「冇喇，以前嘅嘢過去咗，大家畀啲時間我，我都明白一時間要大家接受係需要啲時間，但有信心每一步都做得最好，過去嘅由得佢過去，對我係一個錯誤、傷痕，我唔會忘記。當每次我睇到呢啲傷痕，我會更加警醒自己，提醒自己，未來要做得更好。」對於馬國明也有新戀情，安仔表示有看報導，但感情由對方自己講。
